Ul 3 qön dävam itäçäq

(Qazan, 17 ğıynvar, “Tatar-inform”, Ğölnar Ğarifullina). Büğen “Ğrand Otel Qazan” qunaqxanäsendä 2013 nçe elda Qazanda XXVII Bötendönya cäyğe Universiadanı uzdıru mäsäläläre buença seminar açıldı. “Qazan 2013” Başqarma direqçiyase xezmätqärlärenä täcribä urtaqlaşu öçen Qazanğa qilğän räsmi deleğaçiya sostavında FISU ğeneral seqretare Eriq Seyntrond, Cäyğe Universiadalar direqtorı Marq Vandenplas, xalıqara texniq qomissiya räise Djon Varnoq, FISU mediçina qomissiyase räise Lorens Rinq, mäğarif proğrammaları häm üseş buença direqtor Qol Ğjeşolay häm başqalar bar. 19 nçı ğıynvarğa qadär dävam itäçäq seminarda şulay uq FISU berençe viçe-prezidentı, Rossiya studentlar sport berleğe prezidentı Oleğ Matıçin qatnaşa. Seminar qısalarında FISU ğa qerüçe abruylı belğeçlär “Qazan 2013” Başqarma direqçiyase xezmätqärläre, Universiadanı oeştıru mäsäläläre belän mäşğul bulğan ministrlıq häm vedomstvo väqilläre belän eşleqle qiñäşmälär uzdıraçaq. Eş sessiyaläre proğrammasında sport menedjmentı, qurqınıçsızlıq, mediçina yardäme belän täeminat, dopinğ-qontrol, MMÇ häm teleradiotapşırular, mäğlümati texnoloğiyalär, finans mäsäläläre, berqetmä häm başqalar turında fiqer alışu qaralğan. “Seminar bezneñ öçen qüptännän qötep alınğan vaqıyğa buldı. Öç qönleq eş barışında Xalıqara studentlar sportı federaçiyase tarixınnan alıp, Universiadanı oeştıru proçessına qağılışlı biq qüp temalar qütäreläçäq. Bez barlıq borçığan soraularğa cavap alırğa häm 2012 nçe elda bezneñ alda torğan barlıq burıçlarnı xäl itü yullarına töşenerğä niyatlibez. Bezneñ oeştıru qomitetı öçen mondıy seminar berençe märtäbä ütqärelä, ämma Qazanğa qilğän häm mondıy däräcäle sport çaraların uzdıru neçqäleqlärennän xäbärdar bulğan qunaqlar bezğä barısı turında da söylär dip ömetlänäbez”, - dip belderde “Qazan 2013” Başqarma direqçiyase “ oeşması ğeneral direqtorınıñ berençe urınbasarı Azat Qadıyrov seminar aldınnan jurnalistlarğa birğän intervyusında. Anıñ fiqerençä, seminarnıñ ğamäli ähämiyate biq zur, çönqi qazanlılar sportçılarnı qarşı aludan başlap, alarnı büläqläü tantanasın oeştıruğa qadär barlıq neçqäleqlärne öyränäçäq. Eriq Seyntrond bilğeläp uzğança, Universiada başlanuğa nibarı 18 ay qalıp bara häm ul Bötendönya Studentlar uennarın oeştıru mäsäläläre belän şöğıllänüçe belğeçlär ştatınıñ haman qiñäya baruın assızıqladı. “Uennarnıñ oeştıru qomitetı väqilläre FISU äğzaları belän haman eşraq oçraşırğa tırışa. 18 ay – qısqa vaqıt, şuşı vaqıt aralığında bez äzerleq proçessın qürerğä telibez. Seminarnıñ töp maqsatlarınıñ berse – FISU belän östämä xezmättäşleq. Bezneñ xezmätqärlär äzerleq barışı belän tanışu öçen üzläre dä Qazanğa eş qilerğä omtıla. 2013 nçe elğa qadär äle tağın ber ğenä oçraşmabız”, - dip şärexläde E. Seyntrond. Ul isqärtep uzğança, may aenda Qazanda FISU Başqarma qomitetı utırışı uzaçaq. “Bez zur deleğaçiya belän qiläçäqbez häm tağın ber qat oeştıru qomitetı belän fiqer alışular uzdıraçaqbız”, - di ul. Anıñ äytüençä, uennarğa äzerleqtä yuğarı professionalizm sizelä. “Şulay bulğaç uennar uñışlı ütär”, - diğän teläqtä qaldı ul.