Ufanıñ Qärvansaray säüdä-yal itü üzäğeneñ üzäq sänğat ğalereyasendä tanılğan rässam Mönir Zöbäerovnıñ şäxsi qürğäzmäse açıldı

(Ufa, 18 ğıynvar, “Tatar-inform”, Fänis Fätxullin). Ufanıñ Qärvansaray säüdä-yal itü üzäğeneñ üzäq sänğat ğalereyasendä tanılğan rässam Mönir Zöbäerovnıñ şäxsi qürğäzmäse açıldı. Anda avtor üzeneñ 30ğa yaqın qartinasın urnaştırğan. Törle janrlarda icat itelğän äsärlär qürğäzmäsenä avtor “Qarğalar” diğän isem birğän. Mönir Zöbäerov Başqortstannıñ Fedorovqa rayonındağı Ätäç isemle matur tatar avılında tuıp üsä. Qeçqenädän üq räsem sänğate belän mavıqqan malay başta Ufadağı respubliqa urta sänğat internat-mäqtäbendä belem ala häm räsem sänğate serlärenä centeqläp töşenä. Annan soñ, belemen tağın da qamilläşterü maqsatında, Başqortstan däülät pedağoğiya institutınıñ sınlı sänğat-ğrafiqa faqultetına da uqırğa qerä sälätle eğet. Ozaq qına ellar yaş belğeç Ufadağı 7nçe sanlı hönäri uçilişeda räsem häm sızım däresläre buença möğallimleq qıla. Soñğı ellarda ul Başqortstan Rässamnar berleğe qaramağındağı ostaxanäsendä tulısınça icat eşe belän mäşğul. Anıñ Ufada häm başqa şähärlärdä şäxsi qürğäzmäläre oeştırıldı. Ä inde Rusiyaneñ törle şähärlärendä häm çit illärdä uzdırılğan berleqtäğe qürğäzmälärdä ul qüp tapqırlar qatnaşıp üzeneñ matur eşläre belän soqlandırdı. Äle Ufada açılğan şäxsi qürğäzmäsenä Mönir äfände üzeneñ utızğa yaqın isqitqeç matur qartinaların urnaştırğan. Alar arasında tuğan yaqnıñ ğacäep ğüzäl tabiğat qüreneşläre dä, portretlar da, yaqtı-balqışlı natyurmortlar da bar. “Min üzemneñ sänğatemdä qayberäülär qebeq “möğez” çığaru maqsatın quymıym, zamança realizm yunäleşendä icat itäm”, - di Mönir Zöbäerov. Talantlı rässam üzeneñ ataqlı yaqtaşları - qüreneqle tabiblar, ğalimnär häm başqa hönär iyaläre portretları tuplanmasın da eşli. Qürğäzmädä şul surätlärne dä qürerğä mömqin ide. Äsärlär ğeroylarınıñ qayberläre qürğäzmäne açu tantanasına qilep, avtornı çirattağı icadi imtixanın uñışlı ütüe belän ixlas qotladı. Xalıqara Rässamnar berleğe äğzası Mönir Zöbäerovnıñ icatı qüpqırlı häm milli üzençäleqle. Şuña qürä dä anıñ eşläre çit illärdä dä zur qızıqsınu uyata. Uzğan el azağında anıñ eşläre Mordoviyadä, Mäsqäüdä ütqän qürğäzmälärdä qatnaşqan. İtaliyaneñ Pemont şähärendä oeştırılğan xalıqara qürğäzmäğä anıñ iqe qartinası saylap alınğan bulğan häm alar sänğat belğeçläre tarafınnan yuğarı bäyalänep, berleqtäğe qataloğqa qertelğän. Äle Ufada şäxsi qürğäzmäsen açu tantanasına Mönir äfändeneñ qüp qenä icattaş dusları, tanılğan rässamnar – Zöfär Ğayanov, Väqil häm Väğıyz Şäyxetdinov, şulay uq icatın söyuçelär qilğän. Alar rässamnıñ eşlärenä yuğarı bäya birde häm aña qiläçäqtä dä ilhamlı icat teläde.