Bäyase aldan iğlan itelmi

(Qazan, 23 ğıynvar, “Tatar-inform”, Miläüşä Nizametdinova). Qazannıñ mädäni miras obeqtlarınıñ 3ese 3 fevralda satuğa quela, zayavqalar isä 27 ğıynvarğa qadär qabul itelä. Alarnıñ bäyase, bıltır ğavami täqdim belän auqçionda satılmau säbäple, aldan iğlan itelmi, zayavqalarda iñ qıymmäte qaysı satıp aluçı qürsätsä, - östenleq şunısına birelä, ber üq bäyağä berniçä täqdim bulsa, aldan zayavqa birğänenä nasıyp bula. Şul räveşle, Qazannıñ cir häm mölqäti mönäsäbätlär qomitetı, tağın 2 atnadan, başqala urtasındağı mädäni miras obeqtı sanalğan 3 binanıñ yaña mileqçesen iğlan itärtä tieş. Aerım alğanda, Ğ.Tuqay ur., 84 adresı buença urnaşqan Apanaev yortı (XIX ğasırnıñ iqençe yartısında tözelğän), Narimanov ur., 70 adresı buença Raxmanqulov-Tayqiç yortı, Tuqay ur., 86 adresı buença S.Sabitova yortı (1884 elda salınğan, arxiteqtorı - P.İ.Romanov) turında süz bara. Büğen Qazan şähäre citäqçeleğeneñ “eşleqle düşämbe” qiñäşmäsendä Başqarma qomitet citäqçeseneñ berençe urınbasarı Röstäm Niğmätullin şundıy beleşmä birde. Şuşı 3 binanı satıp alu buença zayavqa birü doqumentları ürnäğe http://kzio.lzn.ru saytındağı “Auqçionı i qonqursı” büleğendä bar. Zayavqalar Qazannıñ Bauman ur., 52/7 adresı buença 23 nçe qabinetta eş qönnärendä irtänğe 10nan qiçqe 5qä qadär qabul itelä (töşqe yalı - 12dän qöndezğe 1ğä qadär); tel.: 292-32-77.