Qazanda qeçe biznesqa taşlamalı şartlarda qredit birü buença muniçipal proğramma buença qredit summasın 10 mln. sumğa, ä anı qaplau vaqıtın 5 elğa qadär, proğramma operatorı belän qontraqt vaqıtın 3 elğa tiqlem ozaytu häm qredit birüdä östenleqle tarmaql

(Qazan, 23 ğıynvar, “Tatar-inform”, Miläüşä Nizametdinova). Qazanda 2007 eldan ğamäldä bulğan qeçe biznesqa taşlamalı şartlarda qredit birü buença muniçipal proğrammadan barlığı 215 eşquar ğomumi 554 mln. sumlıq qredit alğan. Moñarçı qredit 5 mln. sumğa qadär häm 2 elğa tiqlem “limit” belän birelsä, mer İlsur Metşin ul çiqlärne qiñäyterğä täqdim itte. Çönqi büğen Qazan şähäre citäqçeleğeneñ “eşleqle düşämbe” qiñäşmäsendä başqalada qeçe eşquarlıqqa taşlamalı qredit birü mäsäläse buença xisap totqan “Qazan banqı” iqtisadi üseş qommerçiyaçel banqı idaräse başlığı Damir Talipov, bulğan mömqinleq qiräq qadär däräcädä, yağni biq uq näticäle qullanılmıy, dip belderde. Şunı şärexläp, qreditlau buença eş bıltır da 2 ayğa soñarıp başlandı, şuña qürä 2010 eldağıdan azraq, dide. Aerım alğanda, 2011 elda 35 eşquar ellıq 9 proçentlı stavqa belän 113,5 mln. sumlıq qredit alğan, proçent stavqasın qompensaçiyaläüğä şähär byudjetınnan 5,7 mln. sum aqça bülep birelğän. Başqala iqtisadı öçen östenleqle tarmaqlar rätenä fiziq qultura häm sport qertelğän. Proğrammadan Sovet belän İdel bue rayonnarı eşquarları aqtiv faydalanğan – qreditqa birelğän summanıñ 60 proçentı alarda. Bıltır birelğän qreditlarnıñ 25 proçentı tözeleş, 21,17 proçentı toraq-qommunal xucalıq, 15,7 proçentı eşqärtü sänäğatenä qarasa, soçial häm qönqüreş xezmätläre qürsätü ölqälärenä 14,1 proçent, transport xezmätenä 12,23 proçent turı qilä, qalğannarı – azıq-töleq sänäğate, sälamätleq saqlau, qurqınıçsızlıq häm xalıq eşlänmälären torğızu öleşenä. D.Talipov süzlärençä, xäzerğe vaqıtta Qazanda isertqeç eçep çığa torğan urınnar qüp, ä irqenläp tamaq yalğap alu öçen qafelar az, ä monıñ belän näq qeçe biznes şöğıllänä - şuşı mäsäläğä dä iğtibar qiräq. Şul räveşle, qredit summasın 10 mln. sumğa qadär, ä anı qaplau vaqıtın 5 elğa qadär, proğramma operatorı belän qontraqt vaqıtın 3 elğa tiqlem ozaytu häm qredit birüdä östenleqle tarmaqlar rätenä cämäğat tuqlandırı ölqäsen qertü turında qileşende. İnde ğıynvar axırı yaqınlaşuğa qaramastan, bıel da qredit birü buença qonqurs iğlan itelmäğänleğe açıqlandı. “Türä” süze süğenü tüğel, läqin qayber oçraqlarda ul şuña äverelä, çönqi aña diğän aqça byudjetta aerım yul räveşendä qaralğan, närsä qiräq tağı, dip qanäğatsezleq belderde İ.Metşin. Biq yaqın arada qonqurs iğlan itärğä, operator saylarğa, subsidiya birü stavqasın 2 tapqırğa arttırırğa, 2 atna eçendä şähär eşquarlıq väqillären cıep häm banqtağılarnı çaqırıp, 4 eldağı proğramma yomğaqları buença fiqerläşerğä häm täqdimnär tuplarğa, dip quştı mer.