Xalıq arasında narqomaniyaneñ taraluın qisätü turındağı mäsälä Qazan şähär Dumasınıñ bıelğı berençe sessiyase qön tärtibendäğe töp mäsälä buldı

(Qazan, 25 ğıynvar, «Tatar-inform», Aliya Camalieva). Xalıq arasında narqomaniyaneñ taraluın qisätü turındağı mäsälä Qazan şähär Dumasınıñ bıelğı berençe sessiyase qön tärtibendäğe töp mäsälä buldı. Deputatlar anıñ xaqında ber säğattän artıq fiqer alıştı. Qazan şähär Duması sessiyase Qazan ratuşasında uzdı. Anı Qazan merı İlsur Metşin alıp bardı. “Statistiq mäğlümatlar büğenğe qöndä Qazanda narqotiqlarğa bäyle väzğıyatneñ totrıqlı, ämma xävefle buluı xaqında söyli. Narqoloğiya xezmätläre mäğlümatları da, avıruçılar sanındağı üzğäreşlär dinamiqası da şunı qürsätä”, - dip xäbär itte üzeneñ çığışında Qazan başqarma qomitetı citäqçeseneñ soçial mäsälälär buença urınbasarı Läylä Fazlıeva. Qazan, xalıq arasında narqomaniyaneñ taraluı buença, Böğelmä, Çallı häm Älmättän qala respubliqada dürtençe urınnı bili, dip assızıqladı ul. L.Fazlıeva qiterğän mäğlümatlarğa qarağanda, narqomaniya belän avıruçılarnıñ 82 proçentı berqayda da eşlämi. İsäptä toruçılarnıñ qüpçeleğen 30 yaştän alıp 49 yaşqä qadärğelär täşqil itä. “2011 elda Qazanda äyläneştän alınğan narqotiqlarnıñ 55 proçentı – narqotiq matdälärneñ yaña sintetiq törläre. Bu 2012 elda xalıq arasında narqomaniyaneñ taraluın qisätü eşçänleğenä tözätmälär qertüne taläp itä”, - dide doqladçı. Qazan başqarma qomitetı citäqçeseneñ soçial mäsälälär buença urınbasarı bilğeläp ütqänçä, TR başqalasında xalıq arasında narqomaniyaneñ taralu däräcäsen qimetü, xalıqta sälamät yaşäü räveşenä totrıqlı motivaçiya formalaştıru maqsatınnan, 2011-2015 ellarğa isäplänğän Qazan xalqı arasında narqomaniyaneñ taraluın qisätü buença şähär maqsatçan proğramması ğamälğä aşırıla. 2011 elda anı ğamälğä aşıruğa şähär byudjetınnan 3 million sum aqça bülep birelğän. Üsep qilüçe buın arasında narqotiq matdälär, alqoğol qullanu, tämäqe tartunı berençel qisätüğä aerım iğtibar birelä, şul uq vaqıtta profilaqtiqanıñ interaqtiv formaları aqtiv qullanıla. Şulay uq belem birü uçrejdenielärendä tabib-narqoloğlar, xoquq saqlau orğannarın häm başqalarnı cälep itep, aqtiv qisätü eşläre alıp barıla. Qazan şähär Duması deputatları bilğeläp ütqänçä, ütqärelğän çaralar qompleqsı narqotiq häm psixotrop matdälärne zaqonsız töstä qullanu däräcäsen qimeterğä mömqinleq birğän. Misal öçen, soñğı ellarda tübändäğe näticälärğä ireşelğän: şähärdä narqoloğiya dispanserında isäptä toruçı baliğ bulmağannar sanı qimeğän; baliğ bulmağannar arasında narqotiq qullanuçılarnıñ öleşe azayğan; narqotiq qullanu näticäsendä ülüçelär sanı qimeğän. Büğenğe sessiyadä tiqşerelä torğan mäsälä buença Eçqe eşlär ministrlığınıñ Qazan şähäre idaräse qriminal poliçiyase başlığı Artem Quzneçov ta çığış yasadı. Aerım alğanda, ul xalqı millionnan artqan şähärlärdä narqotiqlarnıñ zaqonsız äyläneşenä bäyle cinayatlärneñ sanı qimü tendençiyase saqlanuın bilğeläp ütte. Deputatlar 2012 elda şähär maqsatçan proğrammasın alğa taba finanslau qiräqleğenä dä iğtibar yunältte. “Ğrajdannarnı, aeruça yaşlärne narqomaniya afätennän saqlau – aldağı ellarğa şähär xaqimiyatläre aldında torğan östenleqle burıçlarnıñ berse”, - dip assızıqladı İlsur Metşin.