Büğen häm irtäğä biredä “Nurlı säfär” isemle teatrlaştırılğan tamaşanıñ soñğı repetiçiyaläre ütä

(Ufa, 25 ğıynvar, “Tatar-inform”, Fänis Fätxullin). Ufa “Nur” tatar däülät drama teatrı tamaşaçılarğa yaña premera äzerläp bette. Büğen häm irtäğä biredä “Nurlı säfär” isemle teatrlaştırılğan tamaşanıñ soñğı repetiçiyaläre ütä. Anı milli sänğatebezne söyuçelär berençe tapqır 27 ğıynvar qönne qürä alaçaq. “Nur” teatrınıñ ädäbi büleğe mödire Ğölnur Usmanova süzlärençä, “Nurlı säfär” cır-moñnardan, därtle biyulärdän häm näfis süz ostaları çığışlarınnan torğan matur qonçert sıyfatında äzerlänğän. “Bezneñ teatr qüpqırlı talant iyalärenä bay, - di Ğölnur xanım. - Bezdä üzläre zur mädäniyat saraylarında aerım qonçertlar birerdäy moñlı cırçılar da, osta biyuçelär dä, virtuoz muzıqantlar da icat itä. Şuña qürä tamaşaçılarğa alarnı teatr artistları itep qenä tüğel, ä başqa mahirlıqları da bulğan talant iyaläre itep qürsätäsebez qilä. Moña qadär dä bez qonçert proğrammaları eşli ideq. Monısı şularnıñ çirattağısı häm ul da bezneñ tuğrı tamaşaçılarıbıznıñ qüñelenä xuş qiler”. Teatrlaştırılğan tamaşanıñ rejisserı – Ğüzäl Aqberdina. Moña qadär teatrda qayber pesalarnı da säxnäläşterğän ide ul. Bıelğı sänğat elı nurlılar öçen aeruça istäleqle – 20nçe yubiley elı bu. Çirattağı icat elın da “Nur” teatrı icat qöçläre yaña premeralar belän şatlandırıp tora. Sänğat elı başında yaş avtor, hönäre buença tabib Radiq Nurlığayanovnıñ “”Aq çäçäq – siña büläq” dip atalğan melodramasınıñ premerası täqdim itelğän ide tamaşaçılar iğtibarına. Yaña premeranı teatrnıñ baş rejisserı Äbelxäer Safiullin säxnäläşterğän. Tamaşada teatrnıñ ölqän buın artistları da, yaña ğına icatların başlağan yaş aqterlar da qatnaşa. Yaña el aldınnan ğına balalarğa matur äqiyat tä säxnäläşterelde. Teatrnıñ ädäbi büleğe mödire Ğölnur Usmanova äytüençä, bıelğı icat mizğelendä tağın da berniçä yaña äsär säxnäläştereläçäq. Uzğan elda teatrda balalar studiyase dä açılğan ide. Ul da yaña icat mizğelendä üz eşen dävam itä.