Uqaz basılıp çıqqan qönennän üz qöçenä qerä

(Qazan, 26 ğıynvar, «Tatar-inform»). Tatarstan Prezidentı Röstäm Miñnexanov 24 ğıynvarda “2012 elnı Tatarstan Respubliqasında Tarixi-mädäni miras elı dip iğlan itü turında”ğı Uqazğa qul quydı, dip xäbär itä TR Prezidentınıñ matbuğat xezmäte. Uqaz teqstında bolay dielä: “Cämäğatçeleq iğtibarın Tatarstan Respubliqası territoriyasendä yaşäüçe xalıqlarnıñ tarixi häm ruxi tradiçiyalären, mädäniyatlären häm tellären saqlau häm üsterü, mädäni miras obeqtların yañadan torğızu, restavraçiyaläü häm populyarlaştıruda yardäm qürsätü mäsälälärenä cälep itü maqsatınnan qarar çığaram: 1. 2012 elnı Tatarstan Respubliqasında Tarixi-mädäni miras elı dip iğlan itärğä. 2. Tatarstan Respubliqası Ministrlar Qabinetına ber ay vaqıt eçendä ütqärü vaqıtın, cavaplı başqaruçılarnı, finanslau qülämnären häm çığanaqların qürsätep, 2012 elda Tatarstan Respubliqasında Tarixi-mädäni miras elın uzdıru buença töp çaralar planın eşlärğä häm raslarğa, şulay uq anıñ ğamälğä aşırıluın qontroldä totarğa. 3. Tatarstan Respubliqası muniçipal rayonnarı häm şähär oqruğları başlıqlarına, Tatarstan Respubliqasında federal başqarma xaqimiyat orğannarınıñ territorial orğannarına, ictimağıy berläşmälär häm oeşmalarğa Tatarstan Respubliqasında Tarixi-mädäni miras elın äzerläü häm ütqärüdä aqtiv qatnaşırğa. 4. “Tatmedia” Respubliqa matbuğat häm ğammävi qommuniqaçiyalär ağentlığına, “Yaña ğasır” teleradioqompaniyase” AACnä, respubliqa häm cirle ğammävi mäğlümat çaralarına Tatarstan Respubliqasında Tarixi-mädäni miras elında ütqäreläçäq çaralarnı qiñ yaqtırtunı täemin itärğä. 5. Uqaz basılıp çıqqan qönennän üz qöçenä qerä”.