Fiqer alışuda qatnaşuçılar arasında Rossiya Xöqümäteneñ berençe viçe-premerı İ.Şuvalov, Rossiyaneñ eleqqeğe finans ministrı A.Qudrin, Auropa reqonstruqçiya häm üseş banqı prezidentı Tomas Mirov häm başqalar bar

(Qazan, 26 ğıynvar, «Tatar-inform»). Büğen Tatarstan Respubliqası Prezidentı Röstäm Miñnexanov Davosta (Şveyçariya) uzuçı Bötendönya iqtisadi forumı qısalarında berniçä çarada buldı. İsqärtep uzabız, TR Prezidentı 25-27 ğıynvar qönnärendä Davosta uzuçı Bötendönya iqtisadi forumında qatnaşa. Röstäm Miñnexanovnı TR Prezidentınıñ Tışqı elemtälär departamentı direqtorı – TR Prezidentınıñ xalıqara mäsälälär buença yardämçese İsqändär Möflixanov, “Tatneft” AAC ğeneral direqtorı Şäfäğat Tähautdinov, “QAMAZ” AAC ğeneral direqtorı Serğey Qoğoğin häm başqalar ozatıp yöri. Büğen Tatarstan Respubliqası väqilläre «Barclays Capital» qompaniyase isemennän oeştırılğan Qolorado ştatınıñ yaña ğubernatorı Djon Xiqqenluper qatnaşındağı eşleqle irtänğe aşta buldı. Şunnan soñ Röstäm Miñnexanov häm anı ozatıp yörüçe zatlar forum qısalarında oeştırılğan “Rossiya perspeqtivaları” seqçiyase eşendä qatnaştı. 2012 elda ildäğe säyasi häm soçial-iqtisadi väzğıyat xaqında fiqer alışuda qatnaşuçılar arasında Rossiya Xöqümäteneñ berençe viçe-premerı İğor Şuvalov, Rossiyaneñ eleqqeğe finans ministrı, Sanqt-Peterburğ universitetı professorı Aleqsey Qudrin, Auropa reqonstruqçiya häm üseş banqı prezidentı Tomas Mirov häm başqalar bar. Sessiya barışında Rossiyadä innovaçiyalär häm eşquarlıqnı stimullaştıru problemaları, eşleqle qlimatnı yaxşırtu mömqinleqläre, biznes-dairäne nığıtu häm başqa mäsälälär xaqında fiqer alışındı. Büğen Röstäm Miñnexanovnıñ «PraysvoterxausQupers» («PricewaterhouseCoupers» - PwC ) xalıqara firmalar çeltäre prezidentı Dennis Nelli, «PraysvoterxausQupers» qompaniyaseneñ Üzäq häm Qönçığış Auropa buença başlığı Mayq Qubina, «PraysvoterxausQupers» qompaniyaseneñ Rossiya buença idaräçe partnerı Devid Ğrey belän oçraşuları planlaştırılğan, dip xäbär itä TR Prezidentınıñ matbuğat xezmäte.