Anı Ufadağı “İxlas” mäçete imam-xatibı Möxämmät xäzrät Ğalläm oeştıra

(Ufa, 27 ğıynvar, “Tatar-inform”, Fänis Fätxullin). Başqortstannıñ Miyaqä rayonında bu atna azağı din ähelläre belän mäqtäplär uqıtuçılarınıñ oçraşuları ütä. Anı Ufadağı “İxlas” mäçete imam-xatibı Möxämmät xäzrät Ğalläm oeştıra. Äleğe oçraşular mäqtäplärdä äxlaq däresläre uqıtunı qiñäytü mäsälälärenä bağışlana. Ufada qüptän tüğel bilğele ğalim, mäğrifätçe, Rusiyaneñ atqazanğan uqıtuçısı, Rusiya İslam mirası ictimağıy xäräqäte häm möselman zıyalıları qonğressı äğzası Vil Qazıyxanovnıñ “İslam häm äxlaq däresläre” qitabınıñ isem tue bulıp ütqän ide. “İxlas” mäçetendä oeştırılğan şul qiçädä ğalimnär, din ähelläre, uqıtuçılar häm taliplar, şäqertlär qatnaştı. “Bez balalarğa töple belem ğenä tüğel, ä döres äxlaqıy tärbiya birerğä dä burıçlı”, - dide ul çaqta qitapnıñ avtorı Vil Qazıyxanov. “İslam häm äxlaq däresläre” fäne xäzer Başqortstannıñ qayber mäqtäplärendä qertelä dä inde. Ämma bu däreslärne alıp baru öçen dä uqıtuçılarğa döres yunäleş birü zarur. Möxämmät xäzrät süzlärençä, ildä dini zıyalılar biq az. Din ğıylemle uqıtuçılar häm tärbiyaçelär barmaq belän ğenä sanarlıq. “Böten tärbiya eşen dinnän başlarğa, anı balalar baqçasına qadär qerterğä qiräq. Bezneñ barlıq äxlaqıy qıymmätlärebez dinnän alınğan. Balalar baqçasında başlanğan eşne mäqtäplärdä dä dävam itü xäerle, - di Möxämmät Ğallämov. Äle Miyaqä rayonına säfäre barışında Möxämmät xäzrät häm başqa din ähelläre rayon mäqtäpläre uqıtuçıları belän oçraşu oeştıra häm alar aldında “İslam häm äxlaq däreslären uqıtu şartları” diğän temağa leqçiya uqıyaçaq. Mondıy leqçiyalärne başqa rayonnarda da söyläyaçäqlären äytä ruxanilar.