TR avıl xucalığı häm azıq-töleq ministrı Buanı yanä respubliqanıñ şiqär başqalası itep qürerğä teläven bilğeläp ütte

(Qazan, 27 ğıynvar, «Tatar-inform»). Qiçä rayon Mädäniyat saraenda 2011 el näticäläre buença avıl xucalığı proizvodstvosı aldınğıların xörmätlädelär. Bua muniçipal rayonı başlığı Rafael Äbüzärov çarada qatnaşuçılarnı 2011 elda ireşelğän qazanışlar belän tanıştırdı. Uzğan el rayon avıl xucalığı xezmätçännäre 2961 million sumlıq produqçiya citeşterğän. Aşlıqnıñ tulay cıemı 182,6 meñ tonna (uñış ğeqtarınnan urtaça 36 çentner çıqqan) täşqil itqän. Şiqär çöğendereneñ urtaça uñışı – 343 çentner, tulaem cıemı 280 tonna bulğan. Ber sıerdan urtaça 5342 qiloğramm söt savıp alınğan. 15200 tonna it äzerlänğän. Alğa taba TR Premer-ministrı urınbasarı – avıl xucalığı häm azıq-töleq ministrı Marat Äxmätov bualılarnıñ qorılıqtan soñğı avır elda sınaunı uñışlı ütülären, citeşterüdä totrıqlılıqnı tulısınça saqlap qaluların bilğeläp ütte. “Bez elnıñ-elında barlıq tarmaqlarda da aldınğılar rätendä qürerğä qüneqqän rayonda büğenğe qöndä qim diğändä 200 meñ tonna aşlıq cıep alınırğa tieş”, - dide ministr. TR avıl xucalığı häm azıq-töleq ministrı şulay uq Buanı yanä respubliqanıñ şiqär başqalası itep qürerğä teläven bilğeläp ütte. Yuğarı texnoloğiyale ğailä fermaları tözüdä tağın da zurraq aqtivlıq qürsäterğä çaqırdı. Annan säxnäğä ber-ber artlı avıl xucalığı aldınğıları qütärelde, alarğa diplomnar häm aqçalata premiyalär tapşırıldı. Eş säfäre barışında ministr Qaybıç avılındağı “Avanğard” ağrofirmasında da buldı. Biredä ul maşina-traqtor parqında yazğı qır eşlärenä äzerleq belän tanıştı. Şulay uq qultivatorlar, çapqıçlar häm başqa tör texniqa citeşterüçe Bua maşina tözeleşe zavodında buldı, dip xäbär itä TR Avıl xucalığı häm azıq-töleq ministrlığınıñ matbuğat xezmäte.