Ufağa isqitmäle matur cır-moñ bäyräme qilde

(Ufa, 27 ğıynvar, “Tatar-inform”, Fänis Fätxullin). Ufağa isqitmäle matur cır-moñ bäyräme qilde. Biredä büğen qiç Başqortstan belän Tatarstan sänğat ostalarınıñ zur qonçertı bula. Ufadağı Yaşlär mädäniyat saraenda ütäçäq bu tamaşa. “Moñdärya” dip atalğan matur proğrammalı bu qonçertqa biletlar aldan uq satılıp betqän inde. Tatarstan belän Başqortstan säxnä yoldızlarınıñ berleqtäğe qonçertları Ufada härdaim bulıp tora häm alarğa xalıq biq teläp yöri. Bu yulı da tamaşaçılar qanäğat qalırlıq, törle zävıqqa turı qilerleq mädäni proğramma äzerlänğän. Başqortstan yağınnan äleğe tamaşada Rizvan Xäqimov, Fidan Ğafarov, Aydar Ğalimov, Zifa Nağaeva, Väsilä Fättaxova, Ğölsem Biqbulatova, Ruslan Ğıyzzätullin häm başqa säxnä yoldızları qatnaşa. Alar eleqqe xitların da, ör-yaña cırların da başqaraçaq. Tatarstannan “Moñdärya” proğrammasına üz ruxi qüçtänäçläre belän Rinat Räxmätullin, Xäniya Färxi häm başqa talant iyaläre qilde. Alar da Ufa tamaşaçısına üz repertuarlarındağı iñ şäp cırlarnı işetteräçäq.