Studentlar sportı atnalığınıñ proğramması stritbol, yözü, futbol, östäl tennisı, şaşqa, voleybol yarışların üz eçenä ala

(Qazan, 15 fevral, “Tatar-inform”, Ğölnar Ğarifullina). Büğen “Tatar-inform” ağentlığı studiyasendä TR studentlar sportı atnalığına bağışlanğan matbuğat qonferençiyase uzdı. 19-26 fevral qönnärendä uzaçaq sport yarışları turında TR Studentlar liğası prezidentı Timur Söläymanov, TR Studentlar liğasınıñ fiziq qultura, sport häm turizm buença viçe-prezidentı Elqin İsqändärov häm Qazannıñ Çit il studentları häm aspirantları assoçiaçiyase räise Adeni Adebayo bäyan itte. “2013 nçe elğı Universiadağa äzerleq qısalarında sınau räveşendä şuşı atnalıqnı ütqärerğä niyatlädeq, şul räveşle, studentlarnı sportqa tağın da yaqınaytırğa telibez. Volonterlıq xäräqäten üsterü maqsatın da qüzallıybız, bu eşqä nıqlap 29 nçı fevraldä totınaçaqbız”, - dip belderde Timur Söläymanov. Elqin äytüençä, bu proeqt ideyase qüptän tuğan inde, nihayat xäzer ul tormışqa aşa. “Bez çit il studentları assoçiaçiyase belän dä bağlanışlarnı nığıtırğa telädeq. Studentlar sportı bäyrämenä çit il studentların da, tulay toraqta yaşäüçelärne dä, cämäğatçeleq belän eşläüçelärne dä berläştererğä omtıldıq”, - dip belderde Elqin İsqändärov. Studentlar sportı atnalığınıñ proğramması stritbol, yözü, futbol, östäl tennisı, şaşqa, voleybol yarışların üz eçenä ala. Alarda xäzerğe vaqıtta Qazan yuğarı uqu yortlarında belem aluçı 16 ilneñ 17-27 yaştäğe väqilläre qatnaşaçaq. Atnalıqta Qazan studentları ğına tüğel, Yar Çallı, Yaşel Üzän şähärläre yaşläre dä qöçlären sınap qarayaçaq. Adeni Adebayo äytüençä, assoçiaçiyadä atnalıq oeştıru turında iğlan itelğäç, berniçä qönnän 25 läp il väqilläre qatnaşırğa teläq belderğän. “Sport ul – dönyavi aralaşu tele. Çit il studentları sport çaralarında biq teläp qatnaşa”, - dip basım yasadı ul. Adeni Adebayo äytüençä, Rossiyadä 50 meñläp çit il studentı belem ala, el saen ilebezğä 20 meñläp student ğıylem estärğä qilä. Tatarstan vuzlarında isä 3 meñläp çit il studentı uqıy. “Çit il studentları belän eşläüdä yaña sulış qiräq, moña bäyle räveştä bez alarnıñ törle çaralarda aqtivlığın qayğırtabız”, - dip assızıqlıy ul. Timur Söläymanov isä teğe yaqi bu sportçı öçen can atarğa, studentlarnı därtländerep torırğa qilüçe canatarlar qüp bulaçağına ömet bağladı. Anıñ süzlärennän añlaşılğança, canatarlar bitlärenä üzläreneñ Vatannarı sanalğan il flağın töşeräçäq. Atnalıq tantanalı töstä 21 nçe fevral qönne “Olimp” mädäni-sport qompleqsında açılaçaq. Açılış tantanasına respubliqa ministrlıqları citäqçeläre dä çaqırılğan. Qatnaşuçılar häm ciñüçelär öçen “Planeta fitnes”qa sertifiqat, çara simvoliqası töşerelğän prizlar äzerlänğän, törle syurprizlar da qüp bulaçaq. “Studentlar sportı atnalığın qürqäm tradiçiyağä ävereldererğä telibez”, - dip belderde Elqin İsqändärov. “Bu proeqtnı üstererğä tırışaçaqbız”, - dip xupladı anı Timur Söläymanov.