Qazan xäbärläre

Qazanda Böyek Watan suğışında Ciñüneñ 71 yıllığına täğäyenlängän çaralar äle ük ğämäldä

Версия для печати

Qazanda Böyek Watan suğışında Ciñüneñ 71 yıllığına täğäyenlängän çaralar äle ük ğämäldä 18 Aprel 2016,10:06

“Ülemsez polq” Bötenrossiä sotsial'-patriotik aktsiäsendä Qazanda 20 meñläp keşe qatnaşaçaq

(Qazan, 18 aprel, “Tatar-inform”, Miläwşä Nizametdinova). Qazan qalası citäkçelegeneñ mer İlsur Metşin räislegendä ütkärelgän bügenge “eşlekle düşämbe” kiñäşmäsendä Böyek Watan suğışında Ciñüneñ 71 yıllığına äzerlek häm anı ütkärü turında mädäniät idäräse başlığı Aygöl Ğornışeva xisap tottı. 

Bügen şul uñaydan “Ciñü xatı” digän aktsiä ütkärelä başlıy, anıñ qısalarında yäşlär veterannarnıñ yaqınnarına, duslarına, bergä suğışta bulğan xezmättäşlärenä xat yazıp, poçta, internettağı sotsial' çeltärlär aşa cibärergä yärdäm itä.   

23 apreldä Bawman uramında volonterlar meñnärçä Georgiy lentasın xalıqqa öläşergä çığa.   

1 mayğa qädär Qazandağı häykällär, memorial' taqtalar, şulay uq tuğandaş qäberlegen tärtipkä kiterü buyınça eşlär alıp barıla.   

Tatarstan başqalasınıñ härber rayonında parklarda, işeğallarında Ciñü könenä bağışlanğan çaralar uzdırıla.   

Qazanda töp tantanalı bäyräm 7 may könne respublika veterannarı häm TR Prezidentı Röstäm Miñnexanov qatnaşında M.Cälil isemendäge Tatar däwlät opera häm balet akademiä teatrında bula.   

9 mayda isä Ciñü köne bäyräm çaraları Ciñü parkındağı memorialda Mäñgelek utqa häm suğışta tol qalğan xatın-qızlar häykälenä çäçäklär kiterü belän başlana, annarı irtänge 10 tularğa 10 minutta İrek mäydanında Qazan ğarnizonı ğäskäriläre häm xärbi texnika qatnaşında bäyräm paradı, säğät 12 nçe 15 minuttan bäyräm kontsertı bula.   

Şulay uq säğät 12dä interaktiv, tematik mäydançıqlı Ciñü parkında bäyräm kontsertı başlana häm kiçke 6ğa qädär bara.   

Yäşlär öçen qaralğan programma isä bıyıl Ciñü parkında bulmıy, ä, veterannar, olılarnıñ ictimaği oyışmaları möräcäğätläre buyınça, memorialdan “Kazan Arena” stadionı yanındağı mäydanğa küçärelä: biredä “Cırlıy torğan Qazan” kontsert häm qaraoke kebek programmalar qaralğan.   

Säğät 1 tularğa 10 minutta “Qazan” milli mädäniät üzäge qarşındağı mäydanda “Ülemsez polq”/”Bessmertnıy polq” Bötenrossiä sotsial'-patriotik aktsiäse başlana. Älege aktsiädä şähär mäktäpläre uquçıları qatnaşa – barlığı 20 meñläp keşe, respublika, başqala citäkçelege anıñ başında bulır dip küzallana. Alar, İrek mäydanı aşa ütep, Kreml uramına çığa häm 1 May mäydanına qädär atlıy. Säğät 12dän biredä, Musa Cälil häykäle yanında, şiğri miting uzdırıla, ul Geroy-şağirneñ tuuına 110 yıl tuluğa bağışlana.   

9 mayda bäyräm salütı kiçke 10da Qazansu öslegennän yaxşı kürenäçäk. Zalplar 2 urınnan birelä,“Qäsä” häm “Kazan Arena” yağınnan küzätergä uñaylı bulaçaq, di bu uñaydan Aygöl Ğornışeva.    Qazan merı şähär rayonnarı xäkimiäte başlıqlarına möräcäğät itep, suğış veteranınıñ berse dä iğtibarsız qalırğa tieş tügel, härqaysına barırğa kiräk häm monı Ciñü könenä qädär başqarırğa, dip basım yasap äytte. Veteran digändä, qalabızğa küçenep yäki qunaqqa kilgän veterannar da küzdä totıla, şuña kürä, ul veterannar turında bezgä xäbär itüläre sorala, şähärebezdä daimi yäşäwçe veterannarnı beläbez bez, kilgännäre dä bäyrämdä iğtibarıbızdan çittä qalmasın ide, dip möräcäğät itte mer İlsur Metşin.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши