Awil xucaliği

Tatarstan häm Germaniäneñ Türingiä parlamentariyları awıl xucalığı ölkäsendä xezmättäşlek mäs'äläläre buyınça fikerläşte

Версия для печати

Tatarstan häm Germaniäneñ Türingiä parlamentariyları awıl xucalığı ölkäsendä xezmättäşlek mäs'äläläre buyınça fikerläşte 
20 Aprel 2016,09:55

Oçraşuda qatnaşuçılar ike töbäkneñ agrosänäğät häm tabiğättän faydalanu ölkäsendä urtaq alımnarı küplegen bilgeläp üttelär

(Qazan, 20 aprel, «Tatar-inform»). Tatarstan Respublikası belän Türengiä federal' cire (Germaniä) awıl xucalığı texnikası citeşterü buyınça urtaq citeşterü, selektsiä-genetika häm selektsiä-näsel üzäkläre buldıru yünäleşlärendä xezmättäşlek itä ala. 

Kiçä TR Däwlät Sovetınıñ ekologiä, tabiğättän faydalanu, agrosänäğät häm azıq-tölek säyäsäte komitetı räise Tahir Hadievnıñ Türingiäneñ Landtağnıñ (parlament) tarmaq komitetı kollegaları belän oçraşuda şul xaqta süz bardı.   

Tatarstan belän Türingiä irekle däwlätneñ agrosänäğät häm tabiğättän faydalanu ölkäsendä urtaq alımnarı küp, dip bilgeläp üttelär oçraşuda qatnaşuçılar. Şuña kürä, tabiğätkä saqçıl qaraş, tabiği häm cir resursların saq faydalanu, awıl xucalığında yaña texnologiälär qullanu zarur", - dip urtaqlaştı fikere belän Türingiä parlamentınıñ infrastruktura, awıl xucalığı häm urman xucalığı komitetı räise Eğon Primas.   

Soñğı distä yılda Germaniä xezmättäşläreneñ uñışları Tatarstan parlamentariyların tä'sirländerde. Misal öçen, yılına 1 sıyırdan 11 meñ kg söt sawıp alına, ä cirle investitsion programma zur awıllar yanında bioğaz qorılmaları urnaştıru mömkinlege birgän. Alar terleklärneñ qaldıqların eşkärtü isäbenä arzanraq cılılıq ala.   

Tahir Hadiev xezmättäşlärenä vizitları öçen räxmät belderde häm Tatarstannıñ agrosänäğät kompleksı üseşe, respublika iqtisadına investitsiälär kertü mömkinlekläre turında centekläp söyläde häm elemtälärne cayğa salu buyınça tögäl yünäleşlär täqdim itte, dielä TR parlamentı matbuğat xezmätennän alınğan xäbärdä.           

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши