Qazan xäbärläre

Qazanlılar 100 metrlı Georgiy tasmasın kisäçäk

Версия для печати

Qazanlılar 100 metrlı Georgiy tasmasın kisäçäk 
21 Aprel 2016,16:40

Bıyıl Ciñü köneneñ atributına äylängän aktsiä 11nçe tapqır ütkärelä

(Qazan, 21 aprel, "Tatar-inform"). Böyek Watan suğışında Ciñüneñ 71 yıllığın bäyräm itü aldınnan, 23 aprel könne Rossiäneñ barlıq töbäklärendä dä ber ük waqıtta “Georgiy tasması” digän aktsiä başlanıp kitä. Qazanda aktsiä şähärneñ cäyäwlelär yöri torğan töp uramı – Bawmanda uzaçaq. Çarada qatnaşuçılar häm tamaşaçılar istälekle waqiğağa bağışlanğan kontsert qarıy alaçaq, ä iñ soñınnan 100 metrlı Georgiy tasması kisep taratıla. 

 Çara ütkän waqıtta “Üzireklelär xäräkäten üsterü üzäge” volonterları Bawman uramında üzençälekle marş oyıştıraçaq häm här keşegä keçkenä tasma tarataçaqlar. Aktsiädä Ciñü simvolı bularaq, Georgiy tasmasına oxşatıp yasalğan 150 şarnı kükkä oçırmaqçılar.   

Bu yılda çara 11 nçe tapqır ütkärelä. Berençe tapqır ul Mäskäw Xökümäte häm “Studentlar cämğiäte” ictimaği oyışması yärdäme belän 2005 yılda uzdırılğan ide.   

Qazan şähäre meriäse tarafınnan oyıştırılaçaq çarada üsep kilüçe yäş buınnı patriotik ruxta tärbiäläw buyınça Qazannıñ eztabarlar oträdları arasında ütkärelgän proyektlar bäygesendä ciñüçelärne büläkläw dä niätlängän.   

Şulay uq “Yazğı igelek atnası” xäyriä çarasınıñ 1 nçe etabına yomğaq yasalaçaq. Uzğan yılda Qazanda bu uñaydan 2500 çara ğämälgä aşırılğan. Bu yılda oyıştıruçılar yaña rekord quyılır dip ömetlänälär. Näticälär may ayında bilgele bulaçaq.   

Aktsiä säğät 11dä Şaläpin häykäle yanında başlana, dip xäbär itä Qazan meriäse portalı.  

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши