Qazan xäbärläre

Qazannıñ yaña velotöne aviatsiä temasına bäyle

Версия для печати

25 Aprel 2016,10:50

Aktsiäneñ bıyıl 3 nçese ütkäreläçäk

(Qazan, 25 aprelä, “Tatar-inform”, Miläwşä Nizametdinova). Qazanda velotön aktsiäseneñ bıyıl 3 nçese ütkäreläçäk. Monıñ öçen 21 maydan 22senä qarşı tön saylanğan. “Qazanda - aviatsiä” teması bilgelängängä, velotön marşrutı da älege temağa bäyle istälekle häm kürenekle urınnar buylap uza. 

Bügen bu xaqta Qazan qalası citäkçelegeneñ Başqarma komitet başlığı Denis Kalinkin räislegendä barğan “eşlekle düşämbe” kiñäşmäsendä turizm üseşenä yärdäm itü komitetı direktorı Mixail Zotov başqalada turizm sezonı açılu turındağı dokladında täğäyenläde.   

İske Tatar bistäse, Märcani, Äcem mäçetläre, Qaban küle, Yunısov, Vokzal aldı mäydannarı, vertolet zavodı, Bişbalta bistäse, böten dinnär xramı kebek 35 obyektnı urap uzıp, İdeldä tañ qarşılağan bıltırğı velotön 5 meñläp keşene cälep itä alğanğa, bıyılğısı da qatnaşuçılar sanı buyınça annan kim bulmas dip farazlana.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши