Awil xucaliği

TR Prezidentı Sarman rayonında çäçü kampaniäse barışı belän tanıştı

Версия для печати

TR Prezidentı Sarman rayonında çäçü kampaniäse barışı belän tanıştı 
25 Aprel 2016,20:00

Röstäm Miñnexanovnı TR vitse-premyerı - awıl xucalığı häm azıq-tölek ministrı Marat Äxmätov ozata yörde

(Qazan, 25 aprel, «Tatar-inform»). Bügen könneñ ikençe yartısında Tatarstan Prezidentı Röstäm Miñnexanov respublikanıñ Sarman munitsipal' rayonına eş säfäre qıldı. Anıñ töp maqsatı yazğı qır eşläre belän tanışu buldı. TR Prezidentın TR Premyer-ministrı urınbasarı - awıl xucalığı häm azıq-tölek ministrı Marat Äxmätov häm Sarman rayonı başlığı Färit Xösnullin ozata yörde. 

Qırlarnı vertoletta qarap äylängäç, R.Miñnexanov xucalıq citäkçeläre häm awıl xucalığı berlekläre başlıqları belän oçraştı. Çäçü kampaniäse barışı turında rayon başlığı bäyän itte. F.Xösnullin bilgeläp uzğança, 18 meñ gektarda közge kul'turalarğa, 10 meñ gektardan artıq mäydanda küpyıllıq ülännärgä aşlama kertelgän. 4 meñ gektarda arpa çäçelgän, ä "Sarman" agrofirmasında şikär çögendere çäçelgän. Rayon başlığı süzlärençä, bıyıl küp kenä awıl xucalığı predpriätieläre üzläreneñ maşina-traktor parkın yañartqan, yaña texnika satıp alğan.

Monı isä M.Äxmätov rasladı.

"Rayonda eşlär tieşle däräcädä oyıştırılğan, aşlama, yaña texnika satıp alanğan, ğomumän, uñay dinamika küzätelä, - dide ministr. Mondıy äzerlektä yaxşı näticägä ömetlänergä bula. Rayon igençelärenä mul uñış telim".   

Röstäm Miñnexanov Sarman xezmätçännäreneñ eşçänlegen uñay bäyäläde häm alarğa çäçüdä uñışlı eş teläde. "Zur investitsiälär salınğan, näticä dä şuña turı kilsen. Basular çista, közge kul'turalar yaxşı xäldä häm bıyıl hawa torışı şartları da äybät. Ä bez, üz çiratıbızda, ğämäldäge programmalarnı däwam itär öçen mömkinlek tabaçaqbız", - dip ışandırdı TR Prezidentı.   

Röstäm Miñnexanov bügen respublikanıñ Zäy häm Älmät rayonnarı çäçü kampaniäse barışın da bäyäläde, dip xäbär itä TR Prezidentı matbuğat xezmäte.  

Fotosurät prav.tatarstan.ru saytınnan alındı.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши