Awil xucaliği

Marat Äxmätov igençelärne Tatarstan iqtisadın üz aşlıqları xisabına yaxşırtırğa öndi

Версия для печати

Marat Äxmätov igençelärne Tatarstan iqtisadın üz aşlıqları xisabına yaxşırtırğa öndi 
29 Aprel 2016,10:08

TR awıl xucalığı häm azıq-tölek ministrı Apas häm Qaybıç rayonnarında yazğı qır eşläre barışı belän tanıştı

(Qazan, 29 aprel, «Tatar-inform»). Kiçä TR Premyer-ministrı urınbasarı – awıl xucalığı häm azıq-tölek ministrı Marat Äxmätov Tatarstannıñ Apas häm Qaybıç munitsipal' rayonnarında buldı, alardağı yazğı qır eşläreneñ barışı belän tanıştı. 

Apas rayonı qırların oçqıçtan torıp küzdän kiçergäç, ministr awıl xucalığı predpriätieläre citäkçeläre häm awıl cirlekläre başlıqları belän oçraştı. Marat Äxmätov belän bergä rayon başlığı Räşit Zahidullin yörde.   

Räşit Zahidullin süzlärençä, rayonda yazğı qır eşläre tulı qüätenä bara, eş ike smenada oyıştırılğan.   

«Bügen kiläçäk uñışqa nigez salına – küp närsä eşkä qarata nindi mönäsäbättä buluğa bäyle. Rayon keşeläreneñ awıl xucalığı eşlären oyışqan töstä alıp baruları söyenderä. Yazğı çäçüme, terlek azığı äzerläw diseñme, urıp-cıyu eşeme, - barısı da cirenä citkerep başqarıla», - dip bilgeläp ütte Marat Äxmätov.    TR Awıl xucalığı häm azıq-tölek ministrlığı başlığı xucalıq citäkçeläreneñ sorawlarına cawap birde, çäçü eşlärendä uñışlar teläde.   

Qaybıç munitsipal' rayonında, anıñ başlığı Albert Räxmätullin belän qırlarnı, şulay uq, hawadan qarap uzğannan soñ, Marat Äxmätovnı awıl xucalığı predpriätieläre, QFX citäkçeläre häm awıl cirlekläre başlıqları, rayonnıñ Awıl xucalığı häm azıq-tölek idäräse belgeçläre qarşı aldı. Rayon başlığı qır eşläreneñ barışı turında söyläde.   

«Bügen qırlarda 110 berämlek texnika eşli, şulardan 15yı – çäçü kompleksı. Texnika yağınnan problema yuq, dizel yağulığı citärlek, mineral' aşlamalar qaytarıla. Közge kul'turaları 10 meñ ğa mäydannı bili, alar äybät qışladı. Közge kul'turalar häm küpyıllıq üsemleklärgä aşlama kertelde, tırmalaw da soñğı gektarlarda bara. Barlıq xucalıqlar da yazğı çäçügä çıqtı», - dip söyläde Albert Räxmätullin.   

Marat Äxmätov, awıl xezmätçännäre belän söyläşkändä, dım qaplatunı tizlätergä kiräk, dip bilgeläp ütte.   

«Bez iqtisadnı üzebezneñ aşlıq xisabınä yaxşırtırğa tieş. Bıyıl közge kul'turalarınıñ torışı bik yaxşı. Soñğı näticä orlıqlarnıñ sıyfatına bäyle buluın onıtmasqa kiräk. Çäçü ber mizgelgä dä tuqtap torırğa tieş tügel: ägär texnika watıla ikän, anı tiz arada tözätü yulların tabarğa kiräk», - dip assızıqladı ministr.   

Marat Äxmätov rayonda çäçü eşläreneñ barışın uñay bäyäläde häm igençelärgä mul uñış cıyıp aluların teläde, dip xäbär itä ağrar vedomstvonıñ matbuğat xezmäte.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши