Awil xucaliği

Tatarstan çäçü kampaniäsenä tulısınça kereşte - Marat Äxmätov

Версия для печати

Tatarstan çäçü kampaniäsenä tulısınça kereşte - Marat Äxmätov 
30 Aprel 2016,13:33

Ağrar tarmaq başlığı eşne tizlätergä öndi

 (Qazan, 30 aprel, "Tatar-inform"). Tatarstan Respublikası çäçü kampaniäsenä tulısınça kereşte. Bügen TR Xökümäte yortındağı respublikaküläm kiñäşmädä TR Premyer-ministrı urınbasarı - awıl xucalığı häm azıq-tölek ministrı Marat Äxmätov yazğı qır eşläre barışı buyınça xisap tottı.

Kiñäşmäne videokonferentsiä rejimında böten munitsipal' rayonnar belän TR Prezidentı Röstäm Miñnexanov uzdırdı. Kiñäşmä eşendä şulay uq TR Premyer-ministrı İldar Xalikov ta qatnaştı, dip xäbär itä TR Prezidentı matbuğat xezmäte.

Kiñäşmädä Marat Äxmätov bilgelägänçä, respublikanıñ qayber tönyaq rayonnarı da eşne başlağan. Plandağı 1,8 mln. gektar cirdän bügengä 300 meñ gektarında çäçü eşläre tämamlanğan, bu aldan qaralğannıñ 16 protsent täşkil itä.

TR ağrar ministrlıq başlığı iskärtkänçä, irtä çäçü öçen yaxşı kul'turalarnıñ berse - şikär çögendere. M.Äxmätov, ğomumän, eşne tizlätergä öndi. "Oktäber ayında uñış cıyarğa qalmas öçen, bügennän könbağışnı da çäçergä kiräk. Bezneñ bıyıl könbağış mäydannarı zur, - 100 meñ gektardan artıq. Bu eşkä äle kereşmägän rayonnar da bar, - di Marat Äxmätov. - Ucımnar mömkinlekläre äybät, aşlamalar da waqıtında kertelde, uñışqa eşlibez inde. Ucımnar öçen hawa torışı älegä uñay".

Respublika qırlarına aşlamalarnı bügen gektarına 40,3 kg kertelgän, mineral' aşlamalar belän cirne bayıtu da däwam itä.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши