Awil xucaliği

Baqçaçılar şirkätlärenä yullarnı tärtipkä kiterergä, çüp çığaru eşen oyıştırırğa kiräk, bälki nindider programma qabul itärgäder - R.Miñnexanov

Версия для печати

30 Aprel 2016,13:35

Baqçaçılıq bigräk tä Qazan häm Çallı şähärläre yanındağı rayonnarda üseştä

 (Qazan, 30 aprel, "Tatar-inform"). Tatarstanda 376 meñ baqçaçılıq kişärlekläre bar, ğomumi mäydannarı - 28 meñ gektar, alardan 17 meñ gektarı milekkä terkälgän. Baqçaçılıq bigräk tä Qazan häm Çallı şähärläre yanındağı rayonnarda üseştä: 1 mln grajdan üzen baqça niğmätläre belän tä'min itä, ä artığın satuğa cibärä.

Bügen TR Xökümäte yortındağı videokonferentsiä rejimında böten munitsipal' rayonnar belän TR Prezidentı Röstäm Miñnexanov uzdırğan respublikaküläm kiñäşmädä TR Premyer-ministrı urınbasarı - awıl xucalığı häm azıq-tölek ministrı Marat Äxmätov yazğı qır eşläre barışı buyınça xisabında şul xaqta açıqlıq kertte. Kiñäşmä eşendä şulay uq TR Premyer-ministrı İldar Xalikov ta qatnaştı, dielä TR Prezidentı matbuğat xezmäte mäğlümatında.

Röstäm Miñnexanov bilgeläp ütkänçä, baqçaçılar problemaları härwaqıt aktual', bigräk tä zur şähärlär yanındağı territoriälärdä - Qazan, Çallı, Älmät. Biektaw, Layış, Yäşel Üzän, Piträç, Yuğarı Oslan kebek rayonnarğa yökläneş arta. "Baqçaçılar mäs'äläläre iğtibar taläp itä, - dip tanıy TR Prezidentı. - Qayadır alarnı rayonda xäl itep bula, ä qayadır kollegial' räweştä çişärgä kiräk".

Röstäm Miñnexanov transport belän tä'min iteleşkä, baqçalar häm daçalarğa avtobus marşrutların cibärügä ayıruça iğtibar birergä quştı. "Transport belän teminat mäs'äläse xäl itelgän bulırğa tieş, - dide ul. - Bu bezneñ grajdannar, alar arasında bay bulmağannarı da bar, älege kişärleklärne faydalana. Daça kişärlekläre - alarnı azıq-tölek belän tä'min itü çığanağı häm yal itü urını da. Baqçaçılar şirkätlärennän çüp çığaru, meditsina yärdäme kürsätü, transport belän tä'min itü - şuşı barlıq mäs'älälärne qararğa kiräk".

Baqçaçılar şirkätlärenä yullarnı tärtipkä kiterergä, qaldıqlarnı çığaru eşen oyıştırırğa kiräk, bälki nindider programma qabul itärgäder. Balalar öçen cäyge yal itü lagerları belän şöğellänäbez bit, ä daçalar, baqçaçılar şirkätlärendä meñlägän keşe yal itä - monı istä totarğa kiräk, dide türälärgä bu uñaydan Röstäm Miñnexanov.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши