Mädäniyät, Qazan xäbärläre

Qazanda studentlarnıñ Ciñü marşı buldı

Версия для печати

Qazanda studentlarnıñ Ciñü marşı buldı 
30 Aprel 2016,14:38

Anda 3 meñnän artıq keşe qatnaştı

 (Qazan, 30 aprel, "Tatar-inform", Kamilla Zakirova). Qazannıñ Kreml uramında, Böyek Watan suğışında Ciñüneñ 71 yıllığı uñayınnan, studentlarnıñ Ciñü marşı ütte.

Aktsiä Sovetlar Soyuzı Geroyı, tatar şağire Musa Cälil häykälenä çäçäklär saludan başlandı. TR Däwlät Sovetı Räise urınbasarı Rimma Ratnikova, TR Premyer-ministr urınbasarı Vasil Şäyxraziev, mer İlsur Metşin häm Qazan federal' universitetı rektorı İlşat Ğafurov, suğış veterannarı, QFU uqıtuçıları, studentları - 3 meñnän artıq keşe belän bergä, böyek şağirne iskä alu tantanasında qatnaştı.

Annarı studentlar, uqıtuçılar häm universitetnıñ elekkege studentları, 210nçı maqtawlı batalion (anda QFUnıñ 210 studentı kerä) ilneñ barlıq federal' universitetları wäkilläre vzvodı, Rossiä Oborona ministrlığınıñ Suvorov xärbi uçilişçesı barabançıları vzvodı - 1 meñläp student marş qısalarında “Qazan universitetınıñ Ülemsez polqı” aktsiäse uzdırdı. Retro-maşinalar paradında Kreml uramı buylap veterannar ütte, alar artınnan xalıq QFUnıñ töp binasına qädär kilde. Marş azağında İlşat Ğafurov Ulianov-Lenin häykäle yanında universitet "tabası"nda miting açtı. "İlneñ danlı xärbi yıläzmalarında QFU studentları häm xezmätkärläre öleşe buluı belän bez ğorurlanabız. Suğışnıñ berençe könnärendä universitettan frontqa 400läp keşe kitkän, ükeneçkä, tınıç tormışqa häm üzläreneñ tuğannarına barısı da äylänep qayta almağan, - dip xäter yañarttı Ğafurov. - Bıltır bez berençe tapqır studentlarnıñ Ciñü marşın uzdırdıq häm Rossiä universitetları arasında Böyek Watan suğışı yübileyena bağışlanğan patriotik çaralar tsiklın başlawçılarnıñ berençelärennän buldıq. Çara ul çaqta universitetnıñ 5 meñnän artıq studentın, uqıtuçısın häm anı tämamlap çıqqannarnı berläşterde, şuşı danlı waqiğa tiräsendä universitet bergälegen qonsolidatsiäläw simvolına äylände".

Miting azağında QFU studentlar Ciñü marşında bıltır kertep cibärelgän ğädätne saqlap, Böyek Watan suğışında Ciñüdän häm Qazan universitetın açudan soñ ütkän yıllar isäbençä - 71 aq kügärçen häm 211 qızıl şar kükkä oçırtıp cibärelde.

Bügenge tantada universitetta miting häm “Studentlar yazı-2016” festivaleneñ ğala-kontsertı belän däwam itterelä.

Bügen marş uzdıru köne oçraqlı saylanmağanın bilgeläp ütik: 1945 yılnıñ 30 aprelendä sovet suğışçıları Berlin reyxstağına Ciñü bayrağın qadağan.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши