Sport

Tatarstan waterpolçıları Rossiä berençelegen ottı

Tatarstan waterpolçıları Rossiä berençelegen ottı

 (Qazan, 1 may, «Tatar-inform»). Keçe yäşüsmer ir balalar arasında Tatarstan cıyılma komandası su tubı buyınça Rossiä berençelegen ottı. Final turnir Mäskäwneñ "Radujnıy" yözü basseynında tämam buldı. Yarışlarda isä Rossiäneñ iñ köçle 8 komandası 15 yäşkä qädärge yäş kategoriäsendä üzara köç sınaştı.

Tatarstanlılar turnir distantsiäsen tulısınça ütep, yulındağı köndäşlären artta qaldırdı. Törkem etabı qısalarında Räis Qovyäzin belän Roman İvanov citäkçelegendä uynawçılar Mäskäwneñ 2 nçe cıyılmasın 11:6 isäbe belän, Sankt-Peterburğnıñ "Nevskaya wolna"sın 10:6, Ästerxan "Dinamo"sın 15:2 isäbe belän ciñde.

Çirek finalda Tatarstan cıyılması Kirişinıñ "Kinef"ın 12:2, yarım finalda yänä Ästerxan "Dinamo"sın 13:4 isäbenä ciñep bäyräm itte, ä Mäskäwneñ 1 nçe cıyılması belän 1 nçe urın öçen kierenke matçta 7:6 isäbe belän ottı. Tatarstan su tubı mäktäbeneñ ikençe triumfı Tübän Novgorod ölkäseneñ Dzerjinsk qalasında buldı.

Valeriy Alekseyeviç Lelüxa citäkçelegendäge respublika cıyılması İdel buyı federal' okruğı berençelegendä 15 yäşkä qädärgelär arasında şulay uq ciñü yawlap aldı. Tatarstan waterpolçıları ber äylänä turnar näticäläre buyınça 10 oçko cıydı, bu isä Tübän Novgorod ölkäse komandasınıqınnan 2gä artıq bulıp çıqtı, Prem krayı cılmasınıqınnan - 4kä, dip xäbär itä "Sintez" WQ press-attaşesı Olga Qamardina.

TR Su tubı federatsiäse vitse-prezidentı İrek Zinnurov süzlärençä, Qazannıñ balalar-yäşüsmerlär sport mäktäbe trenerlar kollektivınıñ küpyıllıq uñışlı eşe bärabärenä "altın dubl'"ğa ireşep buldı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши