Awil xucaliği

Tatarstan Prezidentı Biektaw rayonında yazğı çäçü eşläre barışı belän tanıştı

Rus Urmatı awılı yanındağı qırda Tatarstan Prezidentı xucalıqlar citäkçeläre, investorlar häm awıl cirlekläre başlıqları belän oçraştı

 (Qazan, 6 may, «Tatar-inform»). Tatarstan Respublikası Prezidentı Röstäm Miñnexanov bügen respublikanıñ Biektaw, Arça häm Baltaç munitsipal' rayonnarına eş säfäre qıla. Töp maqsatı - yazğı çäçü eşläre barışın qaraw.

TR Prezidentın TR awıl xucalığı häm azıq-tölek ministrı urınbasarı İldus Ğabdraxmanov ozatıp yörde, dip xäbär itä TR Prezidentı matbuğat xezmäte.

Biektaw rayonına säfären Röstäm Miñnexanov vertoletta östän qırlarnı qarawdan başladı. Hawa marşrutı "Börele" YAAC (İneş aw.), "Serp i Molot" CÇC (Şäpşe aw.), "Börele" YAÇC (İske Börele aw., Börele cänlek sovxozı aw.), "Agrofirma Piträç" AAC (Usad aw.), "Agro-Xoldinğ" CÇC (Çırşı aw.), "Narmonqa" agrofirması CÇC (Keçe Solabaş aw.), "Krasnaya Zarä" PSXQ (Olıyaz aw., Şuman aw.), "Börele" YAAC (Tuqtamış aw., Taşlı Qawal aw.), "Tatarstan" agrofirması CÇC xucalıqları aşa uzdı.

Rus Urmatı awılı yanındağı qırda Tatarstan Prezidentı xucalıqlar citäkçeläre, investorlar häm awıl cirlekläre başlıqları belän oçraştı.

Çäçü kampaniäse barışı turında rayon başlığı Röstäm Kälimullin xäbär itte. Anıñ süzlärençä, planlaştırılğan 34 meñ gektar basunıñ bügengä 14 meñ gektarı çäçelgän (42 %). 69 çäçü ağreğatı, şul isäptän 10 çäçü kompleksı eşkä cälep itelgän, şularnıñ 6 sı täwlek buyı eşli.

Könenä texnika, rayon başlığı süzlärençä, 2411 gektar cirdä çäçä. Hawa şartları äybät bulsa, eşne 15 mayğa tämamlaw kötelä.

Awıl xezmätkärläre belän äñgämä barışında Röstäm Miñnexanov xucalıqlarnıñ orlıqlar, aşlamalar häm yağulıq belän tä'min iteleşläre turında söyläşte. Tatarstan Prezidentına xäbär itelgänçä, yazğı çäçü eşlärenä gektarına 52 kg xisabınnan mineral' aşlamalar alınğan, 341 tonna orlıq äzerlängän.
Röstäm Kälimullin süzlärençä, rayon xucalıqlarında urtaça eş xaqı - 14,5 meñ sum. Eş xaqı tüläw buyınça burıçlar yuq.

Şulay uq Röstäm Miñnexanov ğailä fermaları torışı häm şäxsi xucalıqlarğa yärdäm itü çaraları belän qızıqsındı.

Axırda Röstäm Miñnexanov yaqınlaşıp kilgän Böyek Ciñü bäyrämen yuğarı däräcädä ütkärergä yökläde.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши