Qazan xäbärläre

İ.Metşin: “Ciñü köne – ul batırlarıbıznıñ böyek danı”

Qazan merı Tatarstan başqalasında ğömer itüçe suğış veterannarın, ğomumän, qazanlılarnı Ciñü köne belän qotlıy

 
(Qazan, 9 may, “Tatar-inform”). Qazan merı İlsur Metşin Tatarstan başqalasında ğömer itüçe Böyek Watan suğışı veterannarın, ğomumän, qazanlılarnıñ Ciñü köne belän qotlıy.

“Qäderle qazanlılar!

9 may – ilebez öçen üzençälekle kön. Ciñü köne – ul bezneñ batırlarıbıznıñ böyek danı, Ciñüneñ üzen buldırğannar ğına tügel, kiläçäk buınnarğa ğömer, irek häm tınıç kük yöze büläk itüçelär öçen dä qaqşamas ğorurlığıbız.

Anıñ belän bergä öyenä äylänep qaytmağannarnı, qotoçqıç suğış qorbanı bulıp, yaña yaznı qarşılıy almağannarnı yuğaltunıñ tüzep bulmaslıq açısı da bar. Bu bäyräm bezneñ öçen suğışta Ciñüne danlaw mömkinlege genä tügel, ä annan zurraq mäğnäle bulaçaq. Bu tınıçlıqnıñ ni däräcädä qäderle, keşe ğömereneñ niqädär çiksez qimmätle buluın iskä töşerü, häm yaqınnarıñ yanında öyeñdä uyanıp, kiläçäkkä plannar tözü, ğailä qoru, balalar tärbiäläp üsterü häm tuası kön nasıyp bulmas digän qurqusız yäşäw niqädär möhim.

Ciñü köne – veterannarğa tağın ber qat räxmät belderü mömkinlege. Bez alarğa frontta häm tılda kürsätkän böyek batırlıqları öçen, bügengäçä häm kiläçäktä küp yıllar däwamında bezgä watanpärwärlek, qıyulıq, batırlıq häm, bilgele, ğäyät zur köçle rux ürnäk-ölgese bulğanı öçen räxmätle.

Qäderle duslar! Bezneñ barıbıznı da böyek Ciñü bäyräme belän qotlıym! Nıqlı sälämätlek, igeleklelek, uñışlar, bäxet häm yaqınnarığız belän añlaşıp yäşäwegezne telim. Bügen dä, härwaqıtta da tınıçlıq bulsın!” – dielä Qazan merı qotlawında.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши