Cämğiät, Qazan xäbärläre

Qazanda “Ülemsez polq” aktsiäse start aldı

Qazanlılar Böyek Watan suğışı çorında doşmanğa qarşı suğışqan, tılda Ciñü könen yaqınaytu öçen tırışqan yaqınnarınıñ portretların totıp atlıy

 (Qazan, 9 may, "Tatar-inform", Läysän İsxakova). Xäzerge waqıtta Qazanda “Ülemsez polq” aktsiäse başlandı. “Tatar-inform” MA aldan xäbär itkänçä, berniçä distä meñ keşe - olısın-keçese ber ozın kolonna bulıp “Qazan” milli mädäniät üzägennän, ä anıñ başı TR Xökümäte yortı turısında, Puşkin uramı, “Çerek kül” parkı, Kreml uramı aşa 1 May mäydanına qädär - Kreml tarafına yul aldı. Qazanlılar Böyek Watan suğışı yıllarında doşmanğa qarşı suğışqan, tılda Ciñü könen yaqınaytu öçen tırışqan tuğannarınıñ, yaqınnarınıñ fotoğrafiälären totıp atlıy, qayberlärendä älege keşelär turında qısqa ğına beleşmä dä birelgän – bu aktsiä Böyek Watan suğışında ciñüçe sovet xalqınıñ, dimäk, Ciñü bärabärenä üzen-üze ayamağan här keşeneñ batırlığı xäterdä buluı turında iskärmä, ciñüçelär däwamçılarınıñ berdämlege raslaması.

Aktsiädä Tatarstan Prezidentı Röstäm Miñnexanov ätiseneñ olı abıysı Ğalimcan Miñnexanov, TR Däwlät Kiñäşçese Mintimer Şäymiev ätise Şahişärip Şäymiev, TR Däwlät Sovetı Räise Färit Möxämmätşin ätise Xäyrulla Möxämmätşin portretın totıp atlıy, respublikanıñ başqa räsmi zatları da qatnaşa.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши