Awil xucaliği

Marat Äxmätov: “Bıyıl çäçü eşläre küpkä oyışqan töstä bara”

Respublikada töp çäçü eşlären 15 nçe mayğa tämamlaw burıçı tora

(Qazan, 10 may, “Tatar-inform”, Gölnar Ğärifullina). Bıyıl Tatarstanda çäçü kampaniäsenä federal' büdjettan 7 mlrd sum, Tatarstan Respublikası büdjetınnan 6 mlrd sum aqça bülep birelgän. Bügen bu xaqta TR Ministrlar Kabinetında yazğı qır eşlärenä bağışlanğan brifingta TR Premyer-ministrı urınbasarı – awıl xucalığı häm azıq-tölek ministrı Marat Äxmätov belderde. 

Spiker äytüençä, federal' büdjettan birelgän aqçanıñ küp öleşe kredit protsentların subsidiäläwgä yöz tota. TR qaznasınnan birelgän aqçanıñ 2 mlrd öleşe texnik yaqtan cihazlanışqa yünälderelgän. Yazğı qır eşlärenä, çäçü kampaniäse başlanğançı uq, 2,5mlrd sum büdjet aqçası birelgän.   

Marat Äxmätov bilgeläp ütkänçä, Zäy, Apas rayonnarı irtä çäçüne tögälläw aldında tora – alar inde qırlarnıñ 90 protsentı öleşenä kul'turalarnı çäçkän. Sarman, Saba, Alekseyıvsk, Ätnä rayonnarı çäçü eşlären 75 protsent mäydanda başqarğan. “Hawa şartları arqasında qalışuçılar da bar, ämma bez alarnı tänqitlämibez, iñ möhime, - çäçü sıyfatlı bulırğa tieş. Äytik, Çirmeşän, Möslim, Mendeleyevsk, Yaña Çişmä rayonnarı çäçü eşläreneñ äle yartısına ğına kilep citä”, - dip, ministr töp çäçü eşlären 15 nçe mayğa tämamlaw burıçı toruın äytte.   

Börtekkä 100 meñ ğa ququruz, 110 meñ ğa könbağış, 116 meñ ğa raps çäçelä. “Bıyıl älege kul'turalar buyınça 10 mlrd sumlap östämä kerem alunı niätlibez. Şikär çögendere – yuğarı rentabelle, qorılıqqa çıdam kul'tura, bıyıl bu mäydannarnı da arttırabız”, - dide ul.  

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши