Qazan xäbärläre

Qazan Rossiä şähärläre arasında may bäyrämnärendä turistlar sanı buyınça liderlar öçlegenä kergän

Berençe unlıqta säfärlär sanı buyınça iñ tiz üseş Yaltada häm Qazanda küzätelgän

(Qazan, 10 may, «Tatar-inform»). Qazan Rossiä şähärläre arasında may bäyrämnärendä turistlar sanı buyınça liderlar öçlegenä kergän. Travel.ru turistlıq serwisı analitikları may bäyrämnärendä Rossiä turistlarınıñ säfärlärennän soñ şundıy näticä kilgän. Reytinğ 2016 yılnıñ 1-10 mayda möstäqil säfär qıluçılarnıñ qunaqxanälärdä bron' bilgeläw mäğlümatları buyınça tözelgän. 

"May bäyrämnärendä Rossiä buyınça qunaqxanälärne onlayn-bron'law, uzğan yıl belän çağıştırğanda, öçtän ber öleşkä qädär artqan. Turistlar il buyınça säfärlärendä qunaqxanälärdä ber täwlek yäşäw öçen urtaça 3,3 meñ sum tülägän, bu uzğan yılğa qarağanda, 10 protsentqa kübräk, ämma, çit il belän çağıştırğanda, 2 tapqır azraq", - dip bilgeläp ütte Travel.ru serwisınıñ kommunikatsiälär buyınça direktorı Yakov Sadçikov.   

May bäyrämnärendä bron'lar sanı buyınça Rossiäneñ 10 şähäre isemlegenä Sankt-Peterburğ, Mäskäw, Qazan, Soçi, Yalta, Tübän Novgorod, Kaliningrad, Yekaterinburğ, Böyek Novgorod häm Yaroslavl' kergän.   

Berençe unlıqta säfärlär sanı buyınça iñ tiz üseş Yaltada häm Qazanda küzätelgän. Uzğan yılğı may bäyrämnäre belän çağıştırğanda, alar 1,5 tapqır artqan digän süz.  Oktogo.ru qunaqxanälärne bron'law saytı mäğlümatları buyınça turistlar Qazanğa urtaça 3,5 köngä kilgän, Peterburğqa – 4,5 köngä. Qazanda turistlar ber täwlek qunaqxanädä yäşäw öçen 3 meñ sumnan kimräk tülägän, Mäskäwdä - 3,1 meñ sum, Peterburğta - 3,2 meñ sum.                                  

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши