Awil xucaliği

Tatarstanda saban kul'turaları planlaştırılğan mäydannıñ 63 protsentına çäçelgän

Yazğı qır eşlären 15 mayğa tögällärgä planlaştıralar

(Qazan, 10 may, «Tatar-inform», Yüliä Revina). Tatarstanda saban kul'turaları planlaştırılğan mäydannıñ 63 protsentına, yağni 1110 meñ gektarğa çäçelgän. Bu xaqta TR Ministrlar Kabinetında brifingta respublika awıl xucalığı häm azıq-tölek ministrı Marat Äxmätov belderde. 

Börtekle saban kul'turaları tulayım respublika buyınça 765 meñ ğa mäydanda çäçelgän yäisä farazğa qarata 73%. Şul isäptän saban bodayı - 269 meñ ğa yäisä farazğa qarata 60% mäydanda çäçelgän, arpa - 333 meñ ğa yäisä 93%, borçaq - 50 meñ ğa yäisä 91%, aşlıq ququruzı - 48 meñ ğa yäisä 51%.   

Şikär çögendere 52 meñ ğa yäisä plannan 82% mäydanda çäçelgän, raps 30 meñ ğa yäisä 26% mäydanda, may orlığına digän könbağış - 66 meñ ğa yäisä farazğa qarata 60%.  Bigräk tä Zäy (71 protsent), Ätnä (70), Sarman häm Saba (75 är), Alekseyıvsk (70) munitsipal' rayonnarı igençeläre qır eşlären aktiv alıp bara.   

Ğomumän alğanda, bıyıl çäçülek mäydannarı 2,9 mln ğa täşkil itä, anıñ 1,8 mln gektarı - börtekle kul'turalar öçen.  

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши