Awil xucaliği

Tatarstanda saban kul'turaları niätlängän mäydannıñ 74 protsentında çäçelgän

Respublika buyınça börtekle saban kul'turaları 883,9 meñ ğa yäki farazğa qarata 84 protsentta çäçelgän

 (Qazan, 12 may, «Tatar-inform»). 12 mayğa Tatarstan buyınça saban kul'turaların çäçü 1317,6 meñ gektarda başqarılğan, bu niätlängän mäydannıñ 74 protsentın täşkil itä. Uzğan yılnıñ älege könenä bu kürsätkeç 1049,8 meñ gektar bulğan, dip xäbär itä TR Awıl xucalığı häm azıq-tölek ministrlığı.

Bu eştä ayıruça Zäy rayonı igençeläre alda bara (49,5 meñ ğa yäki farazğa qarata 97 protsent). Arça (49,2 meñ ğa yäki 74 protsent), Aznaqay (48,4 meñ ğa yäki 74 protsent), Bua (48,4 meñ ğa yäki 80 protsent) xezmätçännäre dä qalışmıy.

Respublika buyınça börtekle saban kul'turaları 883,9 meñ ğa yäki farazğa qarata 84 protsentta çäçelgän. Şul isäptän saban bodayı - 341,4 meñ ğa, arpa - 351,7 meñ ğa, solı 59,5 meñ ğa, boday 53 meñ ğa mäydannı bili. Orlıq ququruzı 69 meñ, silosqa 47,1 meñ gektarda çäçelgän.

Raps 44,8 meñ, ä könbağış 81,4 meñ gektarnı bilägän. Şikär çögendere 57,5 meñ gektarda çäçelgän, ä bäräñge 1,4 meñ gektarda utırtılğan. Ber yıllıq ülännär häm terlek azığı qatnaşması 185,5 meñ gektarda çäçelgän.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши