Awil xucaliği

Tatarstanda saban kul'turaları niätlängän mäydannıñ 80 protsent çamasına çäçelgän

Bu eştä ayıruça Zäy häm Apas rayonnarı igençeläre alda bara, niätlängän mäydannıñ 90 protsent çamasına çäçelgän

(Qazan, 13 may, «Tatar-inform»). 13 mayğa Tatarstan buyınça saban kul'turaların çäçü 1402,5 meñ gektarda başqarılğan, bu niätlängän mäydannıñ 79 protsentın täşkil itä. Uzğan yılnıñ älege könenä bu kürsätkeç 1164,4 meñ gektar bulğan, dip xäbär itä TR Awıl xucalığı häm azıq-tölek ministrlığı. 

Bu eştä ayıruça Zäy häm Apas rayonnarı igençeläre alda bara, niätlängän mäydannıñ 90 protsent çamasına çäçelgän.  Respublika buyınça börtekle saban kul'turaları 922,7 meñ ğa yäki farazğa qarata 88 protsentta çäçelgän. Şul isäptän saban bodayı - 366,6 meñ ğa, arpa - 356 meñ ğa, solı 60,4 meñ ğa bili. Borçaq 53,4 meñ, orlıq ququruzı 76,2 meñ, silosqa 65,3 meñ gektarda çäçelgän. 

Raps 51,5 meñ, ä könbağış 86,8 meñ gektarnı bilägän. Şikär çögendere 58,9 meñ gektar mäydanda cir quyınına salınğan, ä bäräñge 2,4 meñ gektarda utırtılğan. Ber yıllıq ülännär häm terlek azığı qatnaşması 194,4 meñ gektarda çäçelgän.  

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши