Sport

"Rubin" baş trener wazifasına öç kandidaturanı qarıy - Röstäm Miñnexanov

Matbuğatta Yüriy Semin, Dan Petresqu, George Xaci kandidaturaları ataldı

(Qazan, 13 may, «Tatar-inform»). Qazannıñ "Rubin" futbol komandası baş trener wazifasına öç kandidaturanı qarıy. Bu xaqta TASSqa intervyuda Tatarstan Prezidentı Röstäm Miñnexanov xäbär itkän. 

"Min barı klub prezidentı buyınça ğına qarar qabul itäm. "Rubin" prezidentı - Qazan merı İlsur Metşin futbol klubınıñ çäçäk atuın tä'min itärgä tieş. Ul monı niçek eşlär, bu soraw kübräk añarğa. Alar ezlänüdä, fiker alışuda, şuña da "Rubin" qatlawlı waqıt kiçerä. Ämma üz komandañnı teläsä nindi xäldä yaratırğa kiräk, çönki ul - sineñ komanda. Baş trener wazifasına kandidaturalar şaqtıy küp. Alar öç kandidaturanı qarıy", - digän Miñnexanov.   

"Rubin"nıñ baş trenerı - Valeriy Çalıy, ul komandanı 2015 yılnıñ sentäber ayınnan citäkläde. MMÇta Qazan klubı yaña baş trener bilgelärgä niätli digän mäğlümat berniçä tapqır päyda buldı. Ayırım alğanda, matbuğatta Yüriy Semin, Dan Petresqu, George Xaci kandidaturaları ataldı.   

İskärtäbez: "Rubin" 2015/16 Rossiä çempionatında 28 turdan soñ 32 oçko tuplap, 10nçı urınnı bili.  

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши