Sport

Röstäm Miñnexanov: "Qazan sambo buyınça Yevropa çempionatın layıqlı töstä ütkärer dip ışanam"

Yevropa çempionatı açıq dip iğlan itelde

(Qazan, 13 may, «Tatar-inform», Kristina İvanova). Tatarstan Prezidentı Röstäm Miñnexanov sambo buyınça Yevropa çempionatı layıqlı töstä ütär digän ışanıç belderde. Bügen Qazannıñ "Aq Bars" Sport sarenda Yevropa berençelege başlandı. 

Qunaqlarğa häm turnir qatnaşuçılarına sälämläw süze belän Tatarstan Prezidentı Röstäm Miñnexanov möräcäğät itte. "Bügen Tatarstan başqalasında zur bäyräm - bez sambo buyınça Yevropa çempionatın qabul itäbez häm bu bik zur ışanıç bilgese. Bez bu sport bäyärämen layıqlı töstä ütkärerbez dip ışanam", - dip belderde respublika liderı.   

Xalıqara sambo federatsiäse prezidentı Vasiliä Şestakov üz çiratında üzeneñ yaratqan sport töre buyınça Olimpiä plannarı belän urtaqlaştı. Anıñ süzlärençä, sambo 1930 yıllarda barlıqqa kilgän häm şul däwerdän sportnıñ älege töre zur populärlıq qazana. Xäzer xalıqara federatsiägä 85 il kerä, tağın 40ğı kandidat bulıp sanala.   

"Bügen bez Xalıqara Olimpiä komitetına zayavka birdek häm sambo sportnıñ Olimpiada töre bulıp tanılır dip ömetlänäbez", - dide ul.    V.Şestakov süzlärençä, 1972 yılda ul Qazanda sambo buyınça SSSR çempionı bulğan häm şul könnän Qazan anıñ öçen yaqın şähärgä äwerelgän. "Qazan küzgä kürenep üzgärä. Bügen ul dönyanıñ iñ matur şähärläreneñ berse", - dip assızıqladı häm oyıştıruçılarğa ğäcäyep sport bäyräme öçen räxmät süzlären citkerde.   

Yevropa sambo federatsiäse prezidentı Sergey Yeliseyev bilgeläp uzğança, Qazan öçençe tapqır sambo buyınça xalıqara turnirnı qabul itä. Elegräk Qazanda studentlar arasında Dönya kuboğı häm Bötendönya universiadası qısalarında samboçılar yarışları uzdı. Ul federatsiä isemennän Röstäm Miñnexanovka Yevropada sambo üseşenä zur öleş kertkän öçen räxmät tapşırdı.   Şunnan soñ Yevropa çempionatı açıq dip iğlan itelde, balalar xorı başqaruında RF häm TR gimnnarı yañğıradı.   

Bügen Qazannıñ "Aq Bars" Köräş sarenda başlanğan sport häm xärbi sambo buyınça Yevropa çempionatı 31 ildän 300läp qatnaşuçını tuplağan. Barlığı 27 komplekt büläk uynatılaçaq. Yarışlarğa kerü buşlay. Rossiä cıyılması aldına berençe urın yawlaw burıçı quyılğan. Yarışlarnıñ teletranslätsiäsen "Matç! Boyıts" qanalı kürsätäçäk.  

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши