Qazan xäbärläre

Tatarstan büdjetınnan Qazan işeğalların remontlawğa yılına 500 mln sum aqça bülengän

234 işeğaldı häm 22 kvartal eçendäge yulnı tärtipkä kiterü niätlängän

 
(Qazan, 16 may, «Tatar-inform», Yüliä Revina). Bıyıl Qazandağı işeğaldı territoriälären häm kvartal eçendäge yullarnı normativ xälgä kiterü öçen Tatarstan büdjetınnan 500 mln sum aqça bülengän. Bügen bu xaqta şähär meriäsendä uzğan "eşlekle düşämbe"dä başqarma komitet citäkçese urınbasarı İgor' Quläjev xäbär itte.

"234 işeğaldı häm 22 kvartal eçendäge yulnı tärtipkä kiterü niätlängän. Tulı isemlek cirle üzidärä orğannarınıñ räsmi portalında urnaştırılğan. Remontnıñ ğomumi mäydanı 240 meñ kvadrat metr täşkil itäçäk. Barlığı 3 meñnän artıq parkovqa urını buldırılaçaq", - dide ul.

Anıñ süzlärençä, asfalt-beton yul öslegen remontlaw belän berrättän, balalar uyın kompleksların yasaw öçen mäydançıqlarnı asfaltlaw, yullarnı kiñäytü häm maşina quyu "kesälären" tözekländerü qaralğan. Xäzer 80 obyektta eşlär alıp barıla. Programma tormışqa aşırılğaç, 80 meñnän artıq keşe uñay näticäne toyaçaq. 2011 yıldan başlap başqarılğan eşlärne istä totıp, barlığı 1445 işeğaldı territoriäsen tözekländeräçäk - bu kapital' remont taläp itelgän yartısı digän süz.

Qazan merı İlsur Metşin bu kürsätkeçneñ 48 protsentqa täñgäl buluın anıqlap ütte. "Bälki küpmeder cıyılğan aqçaları bulğan idäräçe kompaniälär xisabına da remontlap bulır.Bez bu xaqta barı xıyallana ğına aldıq. Bu xalıq bik kötkän programmalarnıñ berse", - dide Metşin. Ul assızıqlağança, programma TR Prezidentı Röstäm Miñnexanov başlanğıçı belän tormışqa aşırıla, xätta krizis şartlarında da tuqtatılmadı.

Şähär başqarma komitetınıñ TQX komitetı räise İskändär Ğiniätullin süzlärençä, bıyıl idäräçe kompaniälär xisabına biş işeğaldı mäydançığı tözekländereläçäk: Lawrentyev uramındağı 20,22 yortlar, Ciñü prospektı - 56, 58, 60 yortlar, Zawoyskiy uramındağı 16, 18, 20 yortlar, Qöläxmätov uramındağı 25 häm Zur Uram, 8 häm 10 yort adresları buyınça. Urınnarda komplekslı tözekländerü eşläre başqarılaçaq - sport mäydançıqları, eskämiälär, çüp sawıtları, keçe arxitektura formalar, balalar öçen uyın zonaları yasala.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши