Sport

Qazanda "Velotön"dä qatnaşu öçen 2 meñ keşe terkälgän

Velonotte International general' prodüserı Mariä Nikitina süzlärençä, "Velotön"dä telägän härber keşe qatnaşa ala

(Qazan, 17 may, «Tatar-inform», Kristina İvanova). 21 maydan 22 may tönenä qarşı uzaçaq öçençe "Velotön"dä qatnaşu öçen 2 meñ keşe terkälgän. Bu xaqta "Tatar-inform" agentlığında matbuğat konferentsiäsendä «Moskul'tproğ» bürosı häm "Velonotte International" general' prodüserı Mariä Nikitina xäbär itte. Anıñ süzlärençä, qatnaşuçılarnıñ 30 protsentı - Mäskäw, Sankt-Peterburğ, Yekaterinburğ, Ufa häm başqa şähärlärdän. 

Oyıştıruçılar bıyıl start häm finiş "Qazan" ğailä üzäge yanında buluına iğtibarnı yünältälär. Velosipedta yörü marşrutı 28 km täşkil itäçäk.  Qazan munitsipal' berämlege başlığı urınbasarı Yevgeniä Lodwiğova iskärtkänçä, Qazanda berençe "Velotön"dä 3 meñ çaması keşe qatnaşqan, ä uzğan yıl bu proyektta - 5 meñ çaması velowipedçı. "Bıyıl bez qatnaşuçılar tağın kübräk bulır, dip kötäbez, - dip bilgeläp ütte spiker. Proyekt Qazannı bez belmägän yaqtan aça. Qatnaşuçılarğa qızıqlı tuqtalışlar belän unikal' marşrut täqdim itelä". 

Mariä Nikitina süzlärençä, "Velotön"dä telägän härber keşe qatnaşa ala. Barı tik www.velonotte.com. saytında buşlay terkäw uzarğa kiräk.  Bu yulı proyektnı oyıştıruçı, tarixçı Sergey Nikitin tanılğan ğalimnär häm arxitektorlar belän Qazansu yılğası artındağı rayonnı öyränergä yünälä. Öçençe "Velotön" marşrutı Qazannıñ motor tözü, aviatsiä, dini häm mäğärif obyektları buyınça uzaçaq. Marşrut üzägendä - ikençe Qazan - Sotsialistik şähär.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши