Qazan xäbärläre

İldar Xalikov tüläwle parkovqalardan qänäğät bulmağannarnı 10 yıl elekkege Qazannı iskä töşerergä öndi

"Öç säğättän dä tizräk berqaya da barıp citä almıy idek", - dip iskä ala TR Premyer-ministrı

 (Qazan, 19 may, «Tatar-inform», Maksim Kirilov). Tatarstan profsoyuz oyışmaları wäkilläre Qazanda tüläwle parkovqalar sistemasın kamilläşterü buyınça çaralar täqdim ittelär. Bu xaqta TR Premyer-ministrı İldar Xalikov häm TR Ministrlar Kabinetı äğzalarınıñ respublika profsoyuz oyışmaları wäkilläre belän bügenge oçraşuında belderde.

Rossiä sänäğätneñ ximiä tarmağı xezmätkärläre profsoyuzınıñ respublika oyışması wäkile Aleksey İlyin Tatarstan başqalasında tüläwle parkovqalar öçen aqça belän xisaplaşunı kertergä täqdim itte. İlyin üz täqdimeneñ nigezlängän buluın, tüläwle parkovqalar serwisı eşe belän tanış bulmağan Qazan qunaqları öçen uñaysız buluın bilgeläp ütte. Başqaça xisaplaşu başqa küp kenä şähärlelär öçen dä uñaysız, dip añlatma birde profsoyuz wäkile.

2013 yıldan başlap qabul itelgän çaralar kompleksı yärdäme belän Qazan «Yändeks.Probki» reytinğında soñğı urınnı bili, dip cawap birde İldar Xalikov. Ul 7-10 yıl elek Qazanda ni bulğanın iskä töşerergä öndäde. "2010 yılnıñ 1 sentäberen, 2009 yılnıñ 29 dekaberen iskä töşeregez. Öç säğättän dä tizräk berqaya da barıp citä almıy idek", - dip iskärtte TR Premyer-ministrı.

"Bügen bötenläy başqa wazğiät. Parkovqalardan kergän ğomumi kerem alarnı qarap toru çığımnarı külämenä yaqın. Aqça eşläw maqsat tügel, ä avtomobilçelär häm kilgän qunaqlar öçen uñaylı şartlar buldıru, - di TR Xökümäte başlığı. - Bügen qazanlılar 5 minutqa totqarlanunı böke dip atıy. 7 yıl elek 30 minutqa totqarlanunı böke dilär ide. Menä ayırma şunda".

Profsoyuzlar täqdime buyınça İldar Xalikov, şäxsän älege kütärelgän mäs'äläne niçek xäl itü mömkinlege turında belmim, bilgelängän problemalarnı centekläp öyränü zarur, dide. Ämma qayber keşelärgä qayber qıyınlıqlar tudırğan problemalar, başqalarğa kübräk fayda kiterä, dip bilgeläp ütte ul.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши