Qazan xäbärläre

Qazanğa böten dönyadan 40tan artıq şähär merı kiläçäk – TR başqalası Başqarma komitetı

Qazan - Yevraziä töbägendä “Berläşterelgän şähärlär häm cirle xäkimiätlär” başqarma bürosı utırışın ütkärügä xoquq alğan berençe şähär

(Qazan, 20 may, «Tatar-inform», Kristina İvanova). 25-28 mayda Qazanda uzaçaq “Berläşterelgän şähärlär häm cirle xäkimiät” bötendönya oyışmasınıñ başqarma bürosı utırışına böten dönyadan 40 tan artıq şähär merı kiläçäk. Bu xaqta “Tatar-inform” mäğlümat agentlığında Qazan qalası Başqarma komitetı citäkçese urınbasarı İvan Kuznetsov xäbär itte. 

Spiker süzlärençä, Qazan – Yevraziä töbägendä bu çaranı ütkärü xoquqı alğan berençe şähär. “Oyıştıru tarixında berençe tapqır anıñ citäkçelek sostavı Rossiä territoriäsendä cıyılaçaq. Forumda planetanıñ barlıq poçmağınnan şähär xäkimiätläreneñ 200 dän artıq wäkile bulaçaq”, - dip östäde ul. Xäzergä 40 mer häm şähär citäkçeläre, şulay uq 60tan artıq vitse-mer terkälgän häm qatnaşuların raslağan, dip bilgeläp ütte İ.Kuznetsov.   

Qazan Başqarma komitetı citäkçese urınbasarı bilgeläp ütkänçä, başqarma büro utırışın ütkärü belän bäyle räweştä, Tatarstan başqalası merı forum könnärendä mäğärif proyektı - "Made In Kazan" ekspert-klasslar tsiklın torğızırğa yöklämä birde. "Made In Kazan" tsiklına urbanistika, turizm, şähär planlaştıruı häm başqa ölkä buyınça böten dönyağa tanılğan häm abruylı ekspertlar kiläçäk.   

Başqarma büro sostavına 115 keşe kergän, ä çaqırılğan qatnaşuçılar belän bergä çarada 200 çaması keşe bulaçaq. Qazanda bu utırışnı ütkärü turındağı qarar 2015 yılnıñ iyünendä Port-Alegrida qabul itelgän. Tatarstan başqalasınıñ zayavka roliğın Qazan merı, “Berläşterelgän şähärlär häm cirle xäkimiätlär” oyışmasınıñ prezidenttaşı, assotsiatsiäneñ Yevraziä bülege prezidentı İlsur Metşin prezentatsiälägän ide.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши