Iqtisad

R.Miñnexanov: “Bez Qazanda islam dönyası illäre Rossiä Federatsiäsenä kersen öçen mäydançıq formalaştırabız”

Tatarstan liderı süzlärençä, bügen ildä islam bankinğın kertü öçen zakonlı mömkinlek bar

(Qazan, 20 may, «Tatar-inform», Maksim Kirilov). TR Prezidentı Röstäm Miñnexanov, islam bankinğı Rossiägä kersen, anıñ instrumentları köndäşlekkä sälätle bulsın öçen şartlar tudırırğa kiräk, dip belderde. 

“Bez, äkrenläp, islam dönyası illäre Rossiä Federatsiäsenä kersen öçen mäydançıq formalaştırabız. Bezneñ ildä 20 millionnan artıq möselman yäşäwe äytelde, islam bankinğınıñ küp kenä instrumentlarına ixtıyac bar”, - dip bilgeläp ütte Röstäm Miñnexanov bügen “Rossiä-islam dönyası: Kazansummit-2016" VII Xalıqara iqtisadi sammitı qısalarında uzğan matbuğat konferentsiäsendä.   

Tatarstan liderı süzlärençä, bügen ildä islam bankinğın kertü öçen zakonlı mömkinlek bar, bu RFda küp kenä mäs'älälärne xäl itü öçen iskitkeç mäydançıq aça. İslam bankları küp sanlı näticäle instrumentlar täqdim itüen añlıybız, dide Miñnexanov.   

“Bügen federal' üzäk yärdäme bar. Rossiä häm islam dönyası – bezneñ Prezident quyğan burıç. Ul bu üzgäreşlärgä uñay mönäsäbättä, - dip bilgeläp ütte Röstäm Miñnexanov. – Bu bezneñ ilne islam dönyası belän yaqınayta, berençe çiratta, bezneñ säwdä, finanslar, mädäniät häm başqalar yaqınaya.   

TR Prezidentı bilgeläp uzğança, iñ töp kileşü, bezneñ illärneñ ber teldä söyläşä başlawında. “İslam bankinğı instrumentların köndäşlekkä sälätle itä torğan qayber äyberlär kiräk. Bu qatlawlı tügel. Bez berkemgä dä köndäş bulırğa cıyınmıybız. Bezneñ bank strukturalarıeşläw öçen, kiresençä, östämä mömkinleklär alalar”, - dip tämamladı süzen Tatarstan Prezidentı.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши