Din

Gönahlardan arınu mömkinlege birgän Bäraät kiçäse citä

İslam ğalimnäre bilgeläwençä, Qäder kiçäsennän soñ iñ izge kiçä — Bäraät kiçäseder

 (Qazan, 20 may, “Tatar-inform”). Möbaräk öç aynıñ berse bulğan şäğban ayınıñ unbişençe kiçäse (14yınnän 15yenä qarşı kiçä) - Bäraät kiçäse. Bıyıl ul 21 maydan 22senä qarşı töngä turı kilä: qoyaş bayığaç, Bäraät kiçäse başlana. Bäraät kiçäse, yağni «läylätul-Bäraät» bäxet häm härtörle uñışlar, izgeleklär iñä torğan waqıt. Näq şuşı tönne Allahı Täğälä, härkemneñ izge ğämäle häm doğalarında yalwarıp sorağan üteneçlären isäpkä alıp, keşelärneñ yazmışı turında qarar qabul itä. 

İslam ğalimnäre bilgeläwençä, Qäder kiçäsennän soñ iñ izge kiçä — Bäraät kiçäseder. Çönki Qor'än berençe märtäbä Bäraät kiçäsendä dönya kügenä iñderelgän häm Qäder kiçäsendä Päyğämbärebezgä töşerelä başlağan.  Bu kiçädä Xaq Täğälä bändälärenä gönahlardan arınu, ruxi yaqtan paklänü mömkinlege birä.   

Bu möbaräk kiçädä Cäbrail färeştä ğäläyhis-sälläm Päyğämbärebez Möxämmät (s. ğ. w.) yanına kilep, bolay digän: “Yä, Allahınıñ Räsüle! Allahı Täğälä bu kiçädä şaqtıy küp keşene kiçerer, şaqtıyın ğafu itmiçä qaldırır. Şul ğafu itelmäwçelär — mö'minnär ilä talaşuçılar, möselmannarnı kimsetü¬çelär, tuğanlıq xisen, araların kisüçelär, täkäbberlär, ata-anasın räncetüçelär, ğömerlären särxuşlektä ütkärüçelär...”    Ğalimnär, bu kiçäne ğaflättä (wayımsız), ğibadätsez ütkärgän keşelär nindi zur östenlektän mäxrüm bulğannarın belsälär, ükenü küz yäşlären tügüdän tuqtıy almağan bulırlar ide, dip äytälär.    Bäraät könen – urazada, tönen ğibadättä ütkärü, Körän uqu, salawatlar äytü, öç tapqır “Yäsin” süräsen uqu kiñäş itelä. Bäraät kiçäsendä 3 “Yäsin” uqu tärtibe:   Berençe “Yäsin”ne uqır aldınnan niät qılu räweşe: “Rabbım, dönyada häm axirättä bäxetle bulu öçen “Yäsin” uqırğa (uqımaqqa) niät qıldım. Rabbım, qabul itsäñ ide”. “Yäsin” süräse uqıla, anı tämamlağannan soñ “Bäraät” doğası uqıla.    İkençe “Yäsin”ne uqır aldınnan niät qılu räweşe: “Rabbım, dönyada ozın häm ğibadätle ğömer nasıyp bulsın öçen “Yäsin” uqırğa (uqımaqqa) niät qıldım, Rabbım, qabul itsäñ ide”. “Yäsin” süräse uqıla, anı tämamlağannan soñ “Bäraät” doğası uqıla.  Öçençe “Yäsin”ne uqır aldınnan niät qılu tärtibe: “Rabbım, mine, ğailämne häm yaqınnarımnı böten naçarlıqlardan saqlawıña häm rizıqlarıbıznı mul itüeñä ömetlänep, “Yäsin” uqırğa (uqımaqqa) niät qıldım, Rabbım, qabul itsäñ ide”. “Yäsin” süräse uqıla, anı tämamlağannan soñ “Bäraät” doğası uqıla.   

“Bäraät” doğası  اَللَّهُمَّ اِنْ كُنْتَ كَتَبْتَ اِسْمِي شَقِيًّا فِي دِوَانِ الْاَشْقِيَاءِ فَامْحُهُ وَ اكْتُبْ فِي دِوَانِ السُّعَدَاءِ وَ انْ كُنْتَ كَتَبْتَ اِسْمِي سَعِيدًا فِي دِوَانِ السُّعَدَاءِ فَاثْبُتْهُ فَاِنَّكَ قُلْتَ فِي كِتَابِكَ الْكَرِيمِ يَمْحُ اللَّهُ مَا يَشَاءُ وَ يُثْبِتُ وَ عِنْدَهُ اُمُّ الْكِتَابِ 

Allahummä in küntä kätäbtä ismii şäqeyyän fii diüäänil-äşqıyääi fämxuhu üäktüb fii diüäänis-sügädää. Üä inküntä kätäbtä ismii sägiidän fii diüäänis-sügädääi fäsbüthu fäinnäkä kul'tä fii kitääbikäl'-käriim. Yämxullaahu mää yäşääw üäyüsbit üä gindähu ummul'-kitääb.    Mäğnäse: Yä Allahım, ägär mine bäxetsez itep, isememne bäxetsezlär däftärenä yazğan bulsañ, anı sörtep yuq itsäñ ide häm bäxetlelär däftärenä yazsañ ide. Ägär mine bäxetlelärdän itep, isememne bäxetlelär däftärenä yazğan bulsañ, älege yazunı berqayçan da sörtelmi torğan it. Çınlıqta, sin Qor'äni-Kärimeñdä: “Allahı Täğälä närsäne teläsä, läwhulmäxfuzdän şunı sörter, yuq itär, telägänen isä berketer, sörtelmäs itär”, – dip äytäseñ.   

Bu xaqta TR möselmannarı Diniä näzaräte iskärtä.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши