Sport

Xatın-qız politseyskiylar arasında woleybol buyınça YIÇda Rossiä cıyılması nigezendä - Tatarstan komandası

Şulay uq cıyılma sostavında Başqorstannıñ ike wäkile dä bar

(Qazan, 20 may, «Tatar-inform», Alsu Safina). Xatın-qız politseyskiylar arasında woleybol buyınça Yevropa çempionatında çığış yasawçı Rossiä cıyılması nigezen Tatarstan wäkilläre täşkil itä. Şulay uq cıyılma sostavında Başqorstannıñ ike wäkile dä bar. Bu xaqta bügen uzğan matbuğat konferentsiäsendä "Dinamo" Bötenrossiä fizkul'tura-sport cämğiäte räise urınbasarı politsiä general-mayorı Vladimir Ğäzizov xäbär itte. 

Turnir isä bügen "Sankt-Peterburğ" Woleybol üzägendä açıldı.    "Komandanı tuplağan waqıttı töp printsip - sport. Bez üz çempionatıbıznı ütkäräbez, ul saylap alu bulıp sanala. Yarışlarda ciñgän töp komanda - Tatarstannıqı. Monnan tış, cıyılma komanda sostavında Başqortstan Respublikasınnan da ike wäkil bar", - dip añlattı spiker.   

Vladimir Ğäzizov bilgeläp uzğança, Yevropa politsiä sport berlege (USPE) - uzğan yılnıñ noyäber ayında üzeneñ 65 yıllığın bilgeläp ütkän abruylı xalıqara sport oyışmalarınıñ berse, anıñ Xalıqara Olimpiä komitetı (MOQ) belän turı kileşüläre bar.   

Dekaber ayında USPE Rossiä wäkile bularaq "Dinamo" Bötenrossiä fizkul'tura-sport cämğiäten üzenä waqıtlıça äğza sıyfatında qabul itte. "Bez ışanıçlı partner buluıbıznı, resurslar häm telägebez barlığın kürsätü öçen sportnıñ teläsä qaysı töre buyınça Yevropa çempionatın ütkärergä täqdim ittek", - dide V.Ğäzizov.   

Bıyıl "Dinamo" cämğiäteneñ sportnıñ törle törläre buyınça 62 çempionatı uzaçaq. "İkençe yıl bez Bötenrossiä federatsiäläre belän kileşülär tözibez. Bu bezgä alar kalendarenda bulu häm sport masterı iseme tapşıru xoquqı birä, - dide ul. - Yevropa politsiä sport berlege turında söylägändä, xäzer bez sportnıñ törle törläre bença politseyskiylar arasında älege yarışlarnı, Yevropa çempionatların xalıqara klasslı sport masterı aluğa xoquq birüçe bularaq kvalifikatsiäläw eşlären başqarabız. Bu sportçı-politseyskiylar öçen yarışlarda qatnaşuğa etärgeç bulaçaq".    Ğäzizov beldergänçä, Rossiäneñ sportnıñ başqa törläre buyınça da USPE ütkärä torğan Yevropa çempionatlarında qatnaşuı kötelä. Äytik, köräş buyınça kiläse yarış Slovakiädä uzaçaq.   

Yevropa politsiä sport berlege prezidentı Lüq Smeyers, üz çiratında, alarnıñ berlege sportnıñ 16 töre buyınça yarışlar oyıştırğannı söyläde. Turnirlar ütkärgän waqıtta sport töre ayıruça populär bulğan ilgä östenlek birelä. Anıñ süzlärençä, Qazan alarnı Rossiäneñ sport başqalası bulğan öçen cälep itkän.   

Tatarstan Prezident Apparatı citäkçese, TR "Dinamo" fizkul'tura-sport cämğiäte räise politsiä general-leytenantı Äsğät Säfärov assızıqlağança, Qazannıñ xalıqara yarışlarnı ütkärüdä täcribäse zur, şul isäptän woleybol buyınça da. Qazannıñ "Dinamo" häm "Zenit" komandalarınıñ Yevropa Çempionnar ligasında berençe genä yıl uynawları tügel. Turnirlarnı oyıştıruğa töp taläplär oxşaş, dip östäde ul.    "Çaranı kübesençä "Dinamo" Bötenrossiä fizkul'tura-sport cämğiäte finanslıy. Tatarstanğa kilgändä isä, iğänäçelär bilgelände, biredä büdjet aqçaları yuq. Bezneñ, Qazan öleşe - 3 mln sumğa yaqın", - dide A.Säfärov.   

"Dinamo" Bötenrossiä fizkul'tura-sport cämğiäte räise armiä generalı Vladimir Proniçev süzlärençä, Yevropa çempionatına törle illärdän politseyskiylar kilgän. "Politseyskiylar aralaşqanda häm täcribä almaşqanda, dönyadağı xällärne istä totıp, çaranı ütkärüneñ näticäse ğäcäyep bulaçaq", - dip sanıy ul.   

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши