Sport

İspaniä belgeçe Qazannıñ "Rubin" komandasın citäklärgä riza - MMÇ

46 yäşlek trenerğa, yänäse, yılına 4 mln yevro xezmät xaqı belän dürtyıllıq kontrakt täqdim itelgän

 (Qazan, 22 may, «Tatar-inform»). İspaniäneñ "Malağa" komandası ostazı Xawi Grasiä Qazannıñ "Rubin" klubı baş trenerı bulu täqdimen qabul itkän. Bu xaqta "R-Sport" basması «Cope»ğa sıltama belän xäbär itä.

Basma mäğlümatı buyınça, "Rubin" 46 yäşlek trenerğa yılına 4 mln yevro xezmät xaqı belän dürtyıllıq kontrakt täqdim itkän. Tizdän Ğrasiä kileşüne imzalaw öçen Qazanğa kiläçäk.

Xawi Grasiä «Malağa»nı 2014 yılnıñ cäyennän birle citäkli. Ütkän sezonda komanda İspaniä çempionatında 8nçe urın alğan.

Elegräk Valeriä Çalıynıñ, kontrakt waqıtı betü säbäple, Qazan komandasınnan baş trenerı wazifasınnan kitüe mäğlüm buldı.


Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши