Iqtisad

Tatarstan eşmäkärläre Tatarstan Prezidentına soraw birä ala

Biznes belän xäkimiätneñ açıqtan-açıq söyläşüe 10 iyün könne bula

 (Qazan, 23 may, «Tatar-inform»). Tatarstan Prezidentı Röstäm Miñnexanov 10 iyün könne Qazanda eşmäkärlär belän oçraşa. "Biznes häm xäkimiät: açıqtan-açıq söyläşü" proyektı qısalarında bu inde bişençe şundıy oçraşu.

Respublika citäkçeläreneñ biznes wäkilläre belän oçraşuın TR Prezidentı qaramağındağı eşmäkärlär xoquqların yaqlaw buyınça wäqälätle Timur Noğmanov oyıştıra.

2015 yılnıñ avgustında uzğan aldağı "Açıqtan-açıq söyläşü" barışında Röstäm Miñnexanovka 30dan artıq soraw birelde. Temalar törle buldı. Ul çaqta TR Prezidentı: "Aralaşunıñ mondıy formasın üsterü zarur, çönki mondıy oçraşularnıñ mäğnäse barlığı kürenä. Min citäkçe bulğansıñ ikän, respublika yäki munitsipal' däräcädäme, sin teläsä nindi tänqitne qabul itärgä tieş dip ber genä tapqır äytmädem. Bez tıñlarğa tieş. Häm bez qararlar qabul itärgä tieş", - dip belderde.

Timur Noğmanov, üz çiratında: "Biznes häm xäkimiät: açıqtan-açıq söyläşü" proyektınıñ töp näticäse - xäkimiät orğannarınıñ biznesqa qarata mönäsäbäte tamırdan üzgärü. Bügen bez xäkimiätneñ eşmäkärlärgä qarata küpkä açığraq buluın küräbez", - dip assızıqladı.

Xäzer Tatarstan biznesı wäkilläreneñ Prezidentqa yänä soraw birü mömkinlege bar. Monıñ öçen biznes-xakimiät.rf saytında terkälergä yäki RT@ombudsmanbiz.ru elektron adresına zayavka yullarğa kiräk. Şulay uq (843) 203-44-17 telefonına şaltıratıp ta soraw birergä mömkin.

Sorawlar 27 mayğa qädär qabul itelä, dip xäbär itä oyıştıruçılar.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши