Din

Qor'änneñ Qazan basması yañadan bastırılıp çığaçaq

Ber atnadan anı näşriätkä tapşıru niätlänä

 
(Qazan, 23 may, “Tatar-inform”, Liliä Lokmanova). Qor'änneñ Qazan basması tizdän yañadan bastırılaçaq.

Bu xaqta bügen “Tatar-inform” MA uzdırğan matbuğat konferentsiäsendä TR möselmannarı Diniä näzaräte räise, möfti Kamil xäzrät Sämiğullin xäbär itte.

Bilgele bulğança, Qazanda Qor'än 1881 yılda bastırıla, ämma 1803 yılda näşer itelgän Qor'än kübräk tarala. Süriädän, İordaniädän, Misırdan xalıqara belgeçlärne cälep itep, Qor'änneñ Qazan basmasın yañadan bastıruğa äzerlägännär. Älege basma inde kompyüterda cıyılğan, ber atnadan ul näşriätkä tapşırılaçaq.

“Bez Qazan basmasınıñ texnologiäsen faydalanıp, Qor'änne bastırğanda zamança ısullarnı qullanaçaqbız. Kompyüterda cıyğannan soñ, belgeçlär anı bik centekläp tikşerep çıqtı. Eş yaqınça 1,5 yıl çaması bardı. İnde “İdel-Press” näşriäte belän dä söyläşülär buldı. Bez anı böten qanunnarına kiterep bastıraçaqbız”, - dide Kamil xäzrät Sämiğullin.

Qor'än basılıp çıqqannan soñ ul kiñ cämäğätçelekkä täqdim iteläçäk.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши