Millättäş

QFUda tataristika buyınça Yuğarı mäktäp bulaçaq - Ğafurov

Bu xaqta bügen “Tatar-inform” agentlığına birgän intervyuda Qazan federal' universitetı rektorı bäyän itte

(Qazan, 24 may, «Tatar-inform», Kristina İvanova). Ğ.Tuqay isemendäge Tatar filologiäse häm mädäniäte bülegen Ğ.Tuqay isemendäge Yuğarı tataristika häm türkologiä mäktäbenä itep üzgärtergä, ä Rus häm çit il il telläre filologiäse bülegen - Yuğarı rus häm çit il telläre filologiäse mäktäbenä. Bu turıdağı qarar kiçä QFU rektoratı utırışında qabul itelde. Bu xaqta bügen “Tatar-inform” agentlığına birgän intervyuda Qazan federal' universitetı rektorı İlşat Ğafurov bäyän itte. 

Ğafurov beldergänçä, rektoratta säyäsi-mädäni belem birü buyınça institutara Qordinatsion sovet buldıru turında qarar qabul itelgän. Yaña sovetqa QFU nıñ barlıq töp struktur büleklär wäkilläre kerergä tieş. Koordinatsion sovetnıñ uñışlı eşe Lev Tolstoy isemendäge Filologiä häm mädäniätara kommunikatsiälär institutı anıñ direktorı, professor, RF Prezidentı qarşındağı rus tele buyınça Sovet prezidiumı äğzası Rädif Camaletdinov cawaplı bulaçaq. 

“Kiçä rektoratta säyäsi-mädäni belem birü buyınça institutara Qordinatsion sovet buldıru initsiativası belän çıqtım. Bezneñ ildä tellär turında zakon bar, Tatarstanda da şundıy uq zakon ğämäldä. Bu zakonnarnı çınğa aşıru maqsatınnan, bu mäs'älälär belän şöğellänergä tieşbez, - dip bilgeläp ütte Ğafurov. – Ägär QFUnıñ Ğilmi sovetı bu initsiativanı xuplasa, bez bu äyberlärne ber institutta tuplıy”. Rektor süzlärençä, Koordinatsion sovet belän citäkçelek itärgä ul Filologiä häm mädäniätara kommunikatsiälär institutı direktorı, TDĞPUnıñ elekkege rektorı, professor Rädif Camaletdinovka täqdim itkän. “Ägär qarar qabul itelsä, bezneñ berdäm cawaplılıq üzäge bulaçaq”, - dip assızıqladı agentlıq äñgämädäşe. 

Ğafurov süzlärençä, ikençe möhim mäs'älä Lev Tolstoy isemendäge Filologiä häm mädäniätara kommunikatsiälär institutın QFUnıñ tataristika häm türkologiä, şulay uq rusistika ölkäsendä berdäm fänni häm mäğrifäti üzäk sıyfatında raslaw ide.

 

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши