Awil xucaliği

M.Äxmätov: «İdel buyında xalıqara Qır könnäre» kürgäzmäse — täcribä almaşu öçen unikal' mäydançıq»

Mondıy çara 30 iyünnän 2 iyülgä qädär uzaçaq

 (Qazan, 25 may, «Tatar-inform»). Kiçä «TatNİİSX» FDBFUneñ TRnıñ Layış munitsipal' rayonı territoriäsendä urnaşqan täcribä qırlarında «İdel buyında xalıqara Qır könnäre-2016» 2 nçe texnologik agrokürgäzmäsenä äzerlänü mäs'äläläre buyınça kiñäşmä uzdı.

Çarada TR Premyer-ministrı urınbasarı – awıl xucalığı häm azıq-tölek ministrı Marat Äxmätov, anıñ urınbasarları Nikolay Titov, İldus Ğabdraxmanov, Näcip Xacipov, Tälğät Tahircanov, Rişat Xäbipov, Marat Cäbbarov, Layış munitsipal' rayonı başlığı Mixail Afanasyev, «TatNİİSX»FDBFU direktorı Marsel Tahirov, «Tatmelioratsiä» trast kompaniäse» AAC general' direktorı Änwär Zalakov, «Tatmeliovodxoz» idäräse» FDBU direktorı Mars Xismätullin häm başqalar qatnaştı.

Çara barışında anda qatnaşuçılar «TatNİİSX» FDBFUneñ täcribä qırlarındağı awıl xucalığı kul'turaları çäçüleklären qaradılar. TR Awıl xucalığı häm azıq-tölek ministrlığı başlığı Marat Äxmätov alarnıñ torışın uñay bäyäläde.

Şulay uq respublikada yazğı qır eşläreneñ barışı häm «İdel buyında xalıqara Qır könnäre-2016» kürgäzmäsenä äzerlänü, ayırım alğanda, kürgäzmä obyektların urnaştıru häm alarnı kilüçelärgä kürsätü turında fiker alışındı.

«Respublikada çäçü kampaniäse tögällände diärlek, häm ul bik oyışqan töstä bardı, - dip belderde Marat Äxmätov. - Bıyıl bez bik zur burıç quydıq - «Tri po 100» programmasın ğämälgä aşıru (aşlıq ququruzı, raps häm könbağış çäçü – här kul'turağa 100är meñ gektar), häm ul ütälde».

Ministr äytüençä, bu kul'turalar ölgerü öçen şaqtıy waqıt taläp itelä.

«Awılnıñ üz fälsäfäse. Yazğı qır eşläre yaqınlaşa başlağaç, küp problemalar häm burıçlar kilep çığa, ämma awıl keşeläre bolarnı xäl itü öçen waqıtında oyışa belälär», - dip assızıqladı ul.

«Xäzer çäçüleklärne qaraw häm uñış buldıru öçen sistemalı aktiv eş alıp barıla. Ğomumän alğanda, awıl xucalığı yılı uñışlı bulırğa tora. Ägär tabiğät bezgä qarata xäyerxahlı bulsa, mul uñış cıyıp alırğa ömetlär zurdan», - dide Marat Äxmätov.

«İdel buyında xalıqara Qır könnäre» kürgäzmäsenä kilgändä, ul Rossiä häm başqa illär awıl xucalığı tawar citeşterüçeläre arasında täcribä almaşu häm elemtälär urnaştıru öçen unikal' mäydançıq, dip bilgeläp ütte ministr.

Bıltır bu kürgäzmägä 10 meñgä yaqın keşe kilgän ide.

«İdel buyında xalıqara Qır könnäre-2016» 2 nçe texnologik agrokürgäzmä 2016 yılnıñ 30 iyünennän 2 iyülenä qädär uzaçaq, dip iskärtä TR Awıl xucalığı häm azıq-tölek ministrlığı matbuğat xezmäte.

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши