Awil xucaliği

Bezneñ burıç - Rossiä söt bazarınıñ 10 protsentın biläw - Marat Äxmätov

"Tatarstan federal' terlekçelek produktsiäse bazarında zur urın bilärgä äzer", di TR awıl xucalığı hzm azıq-tölek ministrı

 (Qazan, 25 may, «Tatar-inform», Arseniy Mawrin). Rossiä bazarı xäzerge waqıtta bez cibärgän 500 meñ tonna itkä östäp, tağın 250 meñne "eşkärtä" ala. Tağın 250-300 meñ tonna Tatarstan söten dä. Bez kimendä 2 mln tonna söt citeşterü häm federal' söt bazarınıñ 10 protsentın biläw burıçın quyabız. Bu xaqta "Tatar-inform" agentlığına birgän eksqlüziw intervyuda TR Premyer-ministrı urınbasarı - awıl xucalığı häm azıq-tölek ministrı Marat Äxmätov belderde.

"Monıñ öçen mömkinleklär bar, - dip assızıqladı ul. - Tatarstan mögezle ere terlekneñ baş sanın saqlap qına qalmıyça, tarmaqnı üsterüne dä däwam itte. Soñğı yıllarda bez baş sanı buyınça da, citeşterü buyınça da, terlekçelek produktların satu buyınça da üseş kiçeräbez. Qorı yıllarğa qaramastan, soñğı 5 yılda söt citeşterü küläme 26 protsentqa arttı. Ä soñğı 2 yılnı alsaq, terlekçelek häm igençelek buyınça üseş 4,7 protsent täşkil itte", - dip näticä çığardı ministr.

"Uzğan yıl belän çağıştırğanda, terlekçelek buyınça üseş 5 protsentqa citte. Uñışnıñ sere yuq, - di M.Äxmätov. - Tatarstanda eş söyüçe xalıq yäşi, innovatsiälär kertä. Biredä Rossiä töbäkläre häm çit illärneñ terlekçelek ölkäsendäge barlıq aldınğı texnologiälär üzläşterelä. Şulay uq şäxsi häm krestian-fermer xucalıqlarına däwlät yärdäme dä bar. Terlek azığına da zur iğtibar birü zarur. Alar yuğarı energetik bulırğa tieş. Aşatu texnologiäse dä zur ähämiätkä iä. Näticä küzgä kürenä: bıyıl respublika terlekçeläre yılına 1 sıyırdan 5 meñ kg külämendä söt sawıp alu bilgesen uzdı. Kiläçäktä älege kürsätkeçne 6 meñ tonnağa citkerü niätlänä".

"2006 yıldan başlap, Tatarstan terlekçelek tarmağına küp aqça häm tırışlıq saldı, şuña bezneñ xäzer artqa yul yuq, - dip assızıqladı M.Äxmätov. - Bez barı kamilläşergä genä tieş".

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши