Iqtisad

Röstäm Miñnexanov Tatarstan neft-ğaz-ximiä forumın layıqlı däräcädä ütkärüne yökläde

Bıyıl forum neftçe Valentin Şaşinnıñ tuuına 100 yıl tuluğa bağışlanğan

 (Qazan, 25 may, «Tatar-inform», Änwar Malikov). «Tatnefteximinvest-xoldinğ» AAC Direktorlar sovetı Tatarstan Prezidentı räislegendä yaña sostavta bügen Tatarstan neft-ğaz-ximiä forumın ütkärü mäs'äläsen qaradı. Bıyıl forum neftçe Valentin Şaşinnıñ ("Tatneft" ĞAC anıñ isemen yörtä) tuuına 100 yıl tuluğa bağışlanğan häm 7-9 sentäberdä uzaçaq, dip belderde "Qazan yärminkäse" AAC general' direktorı Lev Semenov.

Forum qısalarında «Neft, ğaz. Neft ximiäse», "Ekotexnologiälär häm XXI ğasır cihazları", «GEO-Qazan» häm «İnterplastika Qazan» kürgäzmäläre niätlängän. Röstäm Miñnexanov forumın layıqlı däräcädä ütkärergä, anıñ programmasın qızıqlı itärgä yökläde. "Qazan mäydançığı faydalı bulsın öçen, aktual' temalar alırğa, eçtälek öleşen uylarğa, Rossiä häm çit illärdän belgeçlär çaqırıtırğa kiräk", - dip täqdim itte häm forumnıñ töp çaralarında qatnaşırğa wäğdäläde.

Utırışta şulay uq Mäskäwneñ «Geliymaş» fänni-citeşterü berläşmäse häm Sankt-Peterburğnıñ "Gidroleks" YAACneñ Tatarstan yağulıq-energetika kompleksına qarata mömkinlekläre täqdim itelde, alarnıñ "Tatneft" häm "TAİF" kompaniäläre belän xezmättäşlek mömkinlekläre turında fiker alışındı.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши