Din

Tatarstan möftie: “Aqsaqallar - bezneñ ışanıçlı häm nıqlı terägebez”

TR möselmannarı Diniä näzaräteneñ Aqsaqallar şurası utırışı buldı

 (Qazan, 25 may, “Tatar-inform”). Bügen Rossiä islam institutında Tatarstan Respublikası möselmannarı Diniä näzaräteneñ Aqsaqallar şurası utırışı buldı. Ölkän yäştäge din ähelläre qarşında sälämläw süzläre belän TR MDN räise, möfti Kamil xäzrät Sämiğullin çığış yasadı.

Çarada möfti urınbasarları Röstäm xäzrät Xäyrullin, Räfıyq Möxämmätşin, şulay uq Aqsaqallar şurası räise Ayrat xäzrät Äyüpov, Qazan şähäre qazıyı Ğabulla xäzrät Ädhämov, näzarätneñ yäşlär bülege citäkçese Aygöl Biktimerova häm respublika rayonnarınnan cıyılğan şura äğzaları qatnaştı.

Utırış Yäşel Üzän rayonı imam-möxtäsibe Ğabdelxämid xäzrät Zinnatullinıñ Qor'än uquı belän başlanıp kitte.

Möfti Kamil xäzrät üzeneñ çığışında aqsaqallarğa respublika möselman ömmäte üseşe öçen quyğan xezmätläre häm yäş buın belän ruxi-äxlaqi eşçänlek alıp baruları öçen räxmät äytte.

“Aqsaqallar - bezneñ ışanıçlı häm nıqlı terägebez. Sezneñ xalıq belän köndälek eşçänlegegez häm kiräkle waqıtta birgän töple kiñäşläregez xörmät uyata. Töp qazanışlarığıznıñ berse – respublikabız şähärlärendä häm rayonnarında sezneñ yärdäm belän balalarğa häm ölkännärgä İzge Qor'än uqıtu, anı añlatu eşe bara. Bügen irtän mäçet qarşındağı kurslarğa yörüçe balalarnıñ Qor'än uqu bäygesendä zur teläk belän qatnaşuları bik söyenderde. Yaqın arada Qor'änneñ Qazan basması da yañadan bastırılaçaq. Bez Qazan basmasınıñ texnologiäsen faydalanıp, Qor'änne bastırğanda zamança ısullarnı qullandıq. Eş yaqınça 1,5 yıl çaması bardı”, - dip söyläde Kamil xäzrät.

Cıyılış barışında şura räise Ayrat xäzrät Äyüpov rayon aqsaqalları qarşında torğan burıç-maqsatlarda tuqtaldı häm kiläçäkkä plannarnı barladı. Utırışnıñ näticäläre rezolütsiädä terkäläçäk, dielä TRMDN matbuğat xezmäte xäbärendä.

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши