Millättäş

Teatr belgeçe häm tänqitçe, professor Räwf Mäxmüt ulı İğlamov wafat

Märxümne bügen cirlilär

(Qazan, 26 may, “Tatar-inform”). Qazan Däwlät mädäniät häm sänğät universitetında häm Qazan teatr uçilişçesında uqıtqan tanılğan teatr belgeçe häm tänqitçe, professor Räwf Mäxmüt ulı İğlamov, ozaq yıllarğa suzılğan awırudan soñ, kiçä fani dönyadan baqiğa küçkän. Märxümne bügen cirlilär, dip xäbär itä matbugat.ru. 

Räwf İğlamov 1941 yılnıñ 19 oktäberendä Qazan şähärendä tatarnıñ kürenekle arxitektorı Mäxmüt Qamal ulı İğlamov (1908–1973) ğailäsendä dönyağa kilgän. 1959 yılda şähärneñ 89 nçı urta mäktäben tämamlıy häm arxitektor ätiseneñ hönäri belgeçlegen däwam itterü teläge belän Qazan tözüçe-injenerlar institutına uqırğa kerä. Läkin ber-ike yıldan, tögäl fännärgä küñele yatmıyça, institutta uquın taşlap, 1962 yıldan Qazan teatr uçilişçesında uqıy başlıy. Uçilişçenı drama artistı digän diplom alıp tämamlağaç, 1966–1971 yıllarda Leningrad däwlät teatr, muzıka häm kinematoğrafiä institutınıñ teatr belgeçlege fakul'tetında yuğarı belem ala. Qazanğa qaytqaç, 1971 yıldan Qazan mädäniät institutınıñ (1995 yıldan mädäniät häm sänğät akademiäse) ädäbiät häm sänğät tarixı kafedrasında assistent bulıp eşli başlıy. 1974 yıldan şul uq kafedranıñ ölkän uqıtuçısı, 1994 yıldan 2002 yılğa qädär «Zaman dramaturgiäseneñ teoretik nigezläre», «Drama teoriäse», «Tatar teatr sänğäte tarixı» kebek maxsus kurslardan studentlarğa lektsiälär uqıy. 1981 yılda, üzlegennän äzerlänep, Mäskäwdä «Tatar sovet teatrı formalaşuında Kärim Tinçurin dramaturgiäseneñ role» digän temağa sänğät fännäre kandidatlığına dissertatsiä yaqlap qayta. 

Säxnä ädäbiäte belgeçe häm tänqitçese bularaq, R.İğlamov Qazan häm Mäskäwneñ köndälek matbuğatında uzğan ğasırnıñ citmeşençe yıllarınnan yazışa başlıy. Ul – tatar dramaturgiäse häm tarixına qarağan original' fikerle distälärçä küzätülär, oçerq yazmaları, Kärim Tinçurin dramaturgiäseneñ üzençäleklären yañaça teoretik nigezgä quyıp tikşergän fänni xezmätlär, şul isäptän «Kürenekle dramaturğ» («Wıdayüşçiysä dramaturğ», 1987) digän monoğrafiä, tatar dramaturgiäseneñ klassiğı Ğäliäsğar Qamal, säxnä ädäbiäte ostaları Riza İşmorat, Ayaz Ğiläcev, İldar Yüzeyev kebek dramaturğlar, Fuad Xalitov kebek akterlar turında yazğan icat portretları häm beleşmä-mäqälälär avtorı. R.İğlamov şulay uq Qazan qurçaq teatrı tarixına bağışlanğan qullanma-däreslek häm «İsqusstwo igrayüşçix qukol» (2004) digän kitap avtorı bularaq ta bilgele. 

1989 yıldan ul SSSR (Tatarstan) Yazuçılar berlegenä qabul itelä, aña 1991 yılda «Tatarstan Respublikasınıñ atqazanğan sänğät eşleklese» digän maqtawlı isem birelä. Bu xaqta "Ädiplärebez" 2 tomlıq biobibliografik beleşmälektä bäyän itelä (Tatarstan kitap näşriätendä 2009 yılda dönya kürgän basmanı R.N.Dautov häm R.F.Raxmani tözegän). 

Räwf ağa İğlamovnıñ eşen ulı Niäz İğlamov däwam itüen dä bilgeläp ütü urınlıdır. Tanılğan teatr tänqitçese, D.Siraciev isemendäge teatr premiäse laureatı Niäz İğlamov Ğ.Qamal isemendäge Tatar däwlät akademiä teatrında ädäbi-dramatik öleş öçen cawaplı. 

 

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши