Din

M.Şäymiev: "Bolğar akademiäsen tözep betergänçe, belem birü standartın eşlärgä kiräk"

TR Däwlät Kiñäşçese bilgeläp ütkänçä, keşelär üz dinnären öyränergä häm belergä teli

(Bolğar, 26 may, «Tatar-inform», Alsu Safina). Bolğar islam akademiäse tözep betkänçe, belem birü standartın eşlärgä kiräk, dip belderde bügen TR Däwlät Kiñäşçese Mintimer Şäymiev "Rossiä - islam dönyası" Strategik küzallaw törkeme eş utırışında. 

İstälek bilgesendä ütkän çarada RF Tışqı eşlär ministrlığı ilçese Konstantin Şuwalov, Mäskäw däwlät xalıqara mönäsäbätlär institutınıñ Tsivilizatsiälär partnerlığı direktorı Weniamin Popov, TR Premyer-ministrı urınbasarı Vasil Şäyxraziev, TR möselmannarı Diniä näzaräte räise, Tatarstan möftie Kamil xäzrät Sämiğullin, Üzäk möselmannar Diniä näzaräte räise, Rossiä yuğarı möftie Tälğät Tacetdin häm başqalar qatnaştı. 

"Bügen RFda islam beleme standartı yuq. Bu yış qına tiskäre küreneşlärgä kiterä, - dide M.Şäymiev üzeneñ çığışında. - Barlıq diniä näzarätläre belän kileşterep qabul itkän berdäm standart bulmaw yış qına din totuçılarnıñ ğämällären törleçä añlarğa mömkinlek birä. Bez böten Rossiä buyınça belem birü protsessı nigezläre salınğan mizgeldä oçraştıq". 

"Bezneñ täwge burıçlarnıñ berse - Bolğar islam akademiäse tözelep betkänçe belem birü standartın eşläw", - dip assızıqladı M.Şäymiev. Anıñ süzlärençä, Bolğar akademiäseneñ näq menä eçtälege ayıruça möhim. "Belem birü protsessen oyıştıru tizräk barsın öçen böten yaxşı täcribäne qullanu zarur. Sezneñ yärdäm belän kriteriylar tabarbız dip uylıym. Akademiädä belem birü däräcäse yuğarı bulırğa tieş", - dip bilgeläp ütte TR Däwlät Kiñäşçese. Bez islam akademiäläreneñ dönya täcribäsen işetügä häm alar belän xezmättäşlek itügä şat, dip östäde ul. 

M.Şäymiev bilgeläp uzğança, keşelär üz dinnäre öyränergä häm belergä teli. "Bez izge urınnarnı torğızu mömkinlegen biräçäk waqıtlar citü turında xıyallandıq. İldäge üzgärtep qoru yärdämendä, ul niçek kenä awır uzmasın, 90nçı yıllar başında här keşeneñ konstitutsiädä qaralğan din totuğa xoquqı kire qaytarıldı. Bu bik zur qazanış, bez moña moxtac idek", - dide M.Şäymiev. 

Misal itep ul tübändäge sannarnı kiterde: üzgärtep qoruğa qädär Tatarstanda 23 mäçet bulsa, 10 yıldan soñ alar 1000gä citte, ä xäzer - 1,5 meñnän artığraq. "Keşelär alarnı tözekländerügä üzläre alındı, bu böten keşeneñ teläge buldı,- dide TR Däwlät Kiñäşçese. - Bu islamğa ğına tügel, başqa konfessiä wäkillärenä dä qağıla". 

Mintimer Şäymiev Tatarstanda ğasırlar buyı möselmannar häm pravoslavie dine wäkilläreneñ bergä ğömer kiçerüenä iğtibar yünätte. "Keşelär dus yäşi häm üzara añlaşu xökem sörä, - dide ul. - Millätara häm konfessiäara añlaşu tabu möhim. Häm bu mömkin xäl". 

TR Däwlät kiñäşçese Qol Şärif mäçete tözelü häm şul uq waqıtta Blağoveşçenie soborın tözekländerü turında söyläde, ä Qazannıñ 1000 yıllığına Qazan Kremlen YUNESKO isemlegenä kertep bulğan. "Rossiä häm Tatarstan öçen älege adımnarnıñ xalıqara tanılu aluı ähämiätle. İñ möhime - respublikabızda yäşäwçe keşelär bolarnı qabul itä. Häm bezdä ber fond - "Yañarış", - dide ul häm borınğı Bolğar şähäre häm Zöyä utraw-şähären torğızu turında söyläde. Xäzer ber ük waqıtta Bolğar islam akademiäsen häm Qazan İzge Ana ikonası soborın tözekländerü eşläre bara. 

Fotosurät prav.tatarstan.ru saytınnan alındı.

 

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши