Din

Weniamin Popov: «Bolğar akademiäse – bügen iñ zur islam proyektı»

Bolğarda "Rossiä - islam dönyası" Strategik küzallaw törkeme utırışı uzdı

(Bolğar, 26 may, «Tatar-inform», Alsu Safina). Mäskäw däwlät xalıqara mönäsäbätlär institutınıñ Tsivilizatsiälär partnerlığı direktorı Weniamin Popov "Rossiä - islam dönyası" Strategik küzallaw törkeme utırışında Bolğar akademiäsen bügen iñ zur islam proyektı dip atadı. Akademiäne açu böten möselman dönyasınıñ iz zur waqiğasına äwereläçäk, dip assızıqladı ul. 

RF Tışqı eşlär ministrlığı ilçese Konstantin Şuwalov üz çiratında: "Rossiä - islam dönyası" oçraşuı ideyäse çağılışı bularaq xezmät itärlek Bolğardan da yaxşıraq urın tabu qıyın. Strategik küzallaw törkemeneñ başqa äğzaları kebek ük, min biredä kürgän tä'sirlärdän aynıy almıym", - dide. Ul çit il qunaqları, öylärenä qaytqaç, böten islam dönyasında dönya mädäni mirasınıñ bu urını turında belüenä häm istän çığarmawğa bulışır digän ışanıç bağladı. 

Üzäk möselmannarı Diniä näzaräte räise, Rossiä yuğarı möftie Tälğät Tacetdin utırışnıñ soñğı yıllarda tanıp bulmaslıq üzgärgän Bolğarda uzuınıñ simvolik buluın bilgeläp ütte. "Ni genä äytsälär dä, ilebez din totuçıları, traditsion konfessiä wäkilläre dus häm tatu yäşi", - dip assızıqladı ul. Bolğar akademiäse turında söylägändä Rossiä yuğarı möftie: "Bügen bezgä döres belem, standartlar bulu kiräk, ğämäl häm süzlärdä ayırmalıqlar bulırğa tieş tügel. Bügen Yaqın Könçığışta barğan waqiğalar - belemsezlek, ber-bereñne xörmät itmäw näticäse. Dinnän tış, belem häm keşeleklelek tä bulırğa tieş", - dip assızıqladı RF yuğarı möftie jurnalistlar belän äñgämäsendä. 

"Keşelär ber-bersendä üz tuğanın kürü, ber-bersen xörmät itü - çın tsivilizatsiä dä inde", - dip sanıy Tälğät xäzrät Tacetdin. Anıñ fikerençä, bu mäs'älädä kadrlar äzerläyäçäk Bolğar akademiäse bulışa ala. 

"Kadrlar xäzer dä bar, ämma alarnıñ kübese ölkän yäştä, alarnıñ dini beleme, ekstremist häm terroristlarğa qarşı köräşü, çın dinne qotqarıp qalu öçen köçe häm ixtıyarı citärlek tügel. 14 ğasır buyı bezneñ äbi-babalarıbız totqan çın dinne saqlap qalırğa häm yäşlärgä citkerergä kiräk", - dide ul. 

Utırışta Marokqo Ğölämälär assotsiatsiäse räise Äxmät Abbadi, TR möftie urınbasarı, Rossiä islam institutı rektorı Rafıyq Möxämmätşin, TR Fännär akademiäse vitse-prezidentı, TR Fännär akademiäseneñ Ş.Märcani isemendäge Tarix institutı direktorı Rafail Xäkimov häm başqalar çığış yasadı. 

 

 

 

 

Нашли ошибку в тексте? Выделите ее и нажмите Ctrl + Enter. Используется система Orphus.
    Опубликовать      

Поместите ссылку на статью в ваш блог:

Написать комментарий

Обновляется щелчком мыши